IPLIN
 

સહાય / સલમાન ખાને હવે મુંબઈના થિયેટર કલાકારોની કરી મદદ, 2 ટ્રક ભરીને મોકલાવ્યો સામાન

Team VTV 02:29 PM, 02 Jun 20
Follow us
Salman Khan Comes Forward To Donate Food For Theatre Artists At Mumbai Auditoriums

બોલિવૂડ સુપરસ્ટાર સલમાન ખાન કોરોના વાયરસના કારણે થયેલા લોકડાઉનમાં જરૂરિયાતમંદોની દિલ ખોલીનેમદદ કરી રહ્યો છે. સલમાન આ મુશ્કેલ સમયમાં ઈન્ડસ્ટ્રીના લોકોથી લઈને સામાન્ય વ્યક્તિ સુધી મદદ પહોંચાડવા કરોડો રૂપિયા ખર્ચી રહ્યો છે. દૈનિક મજૂરોનો ખર્ચ ઉઠાવવા ઉપરાંત સલમાન લોકો સુધી ભોજન પહોંચાડી રહ્યો છે. ત્યારે હવે તેણે મુંબઈના થિયેટર આર્ટિસ્ટો માટે ખાવા-પીવાની વ્યવસ્થા શરૂ કરી છે.

  • સલમાન ખાન દિલ ખોલીને લોકોની મદદ કરી રહ્યો છે
  • સલમાન ટ્રક ભરીને મોકલી રહ્યો છે ભોજન
  • સલમાને પોતાના આ ફૂડ ડોનેશન ડ્રાઈવનું નામ બીઈંગ હન્ગ્રી રાખ્યું છે

સલમાને પોતાના આ ફૂડ ડોનેશન ડ્રાઈવનું નામ બીઈંગ હન્ગ્રી રાખ્યું છે. જેમાં ખાવા-પીવાનો સામાન ભરેલાં ટ્રક લોકો વચ્ચે ભોજન વહેંચી રહ્યા છે. મીડિયા રિપોર્ટ્સ મુજબ, રવિવારે 31 મેએ સલમાન ખાને 2 ટ્રક પરેલના દામોદર નાટ્યગૃહ અને દાદરના શ્રી શિવાજી મંદિર નાટ્યગૃહમાં મોકલ્યા, જેથી ત્યાં કામ કરી
રહેલાં લોકોના ખાવાની વ્યવસ્થા થઈ શકે.

 
 
 
 
 
 
 
 
 
 
 
 
 

Hmmmm....

A post shared by Salman Khan (@beingsalmankhan) on

સલમાન સાથે આ ફૂડ ડોનેશનમાં યુવા સેનાના સદસ્ય રાહુલ કનાલ અને શિવસેનાના કાઉન્સેલર અમય ઘોલે પણ મદદ કરી રહ્યા છે. આ કાર્યક્રમ અંતર્ગત શહેરના અલગ-અલગ વિસ્તારોમાં રોજ ખાવા-પીવાનો સામાન ભરેલાં 2 ટ્રક મોકલવામાં આવે છે, જેથી જરૂરિયાતમંદોને ભોજન મળી શકે અને કોઈ ભૂખ્યું ન રહે.

ઉલ્લેખનીય છે કે, સલમાન છેલ્લાં ઘણાં દિવસોથી પોતાના પનવેલના ફાર્મહાઉસ પર જ છે. તે પનવેલની આસપાસના વિસ્તારમાં આવેલા ગામના લોકો માટે પણ જમવાની વ્યવસ્થા કરી રહ્યો છે. હાલમાં જ તેણે મુંબઈ પોલીસ ડિપાર્ટમેન્ટમાં સેનિટાઈઝર્સ ડોનેટ કર્યા હતા. આ પહેલા સલમાન ફિલ્મ ઈન્ડસ્ટ્રીના હજારો મજૂરોના ખાતામાં પૈસા ટ્રાન્સફર કરી ચૂક્યો છે.

Salman khan donate Food Theatre Artists Mumbai Auditoriums Bollywood
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ