સૈફે બ્લૂ કલરની ટીશર્ટ અને કાર્ગો પેન્ટ પહેર્યુ હતુ. સાથે જ ગળામાં તેમણે રુમાલને ફેસ માસ્ક બનાવ્યુ હતુ.
સૈફે લીધી વેક્સિન
સૈફ અલી ખાને પોતાના મોટા દિકરા ઇબ્રાહીમ અલી ખાનના જન્મદિવસ પર કોરોનાને મ્હાત આપવા માટે કોરોના વેક્સિન લઇ લીધી છે. સૈફે કોરોના વેક્સિન લીધી છે એવુ સોશ્યલ મિડીયા પર વાયરલ થયેલા એક વીડિયોમાં કહેવામાં આવે છે અને વીડિયોમાં સૈફ સાથે બીજા લોકો પણ દેખાઇ રહ્યાં છે.
કરીનાએ આપ્યો બીજા દિકરાને જન્મ
થોડા સમય પહેલા જ કરીનાએ બીજા દિકરાને જન્મ આપ્યો છે. કરીના બીજી વાર માતા બની છે જ્યારે સૈફ ચોથી વાર પિતા બન્યો છે. તૈમુરનો નાનો ભાઇ આવ્યો તેને લઇને સમગ્ર બોલીવૂડમાં ખુશીની લહેર દોડી ગઇ હતી.
કરીના અને સૈફને ચારેય તરફથી અભિનંદન આપી રહ્યા છે. ફેન્સ સાથે સેલેબ્સે પણ કપલને બધાઇ આપી છે. ફેન્સ તે વાતને લઇને ઘણા ઉત્સુક છે કે સૈફીના તેમના બાળકનું નામ શું રાખશે. સોશ્યલ મિડીયા પર લોકો અટકળો લગાવવા લાગ્યા છે. તૈમૂરના નામકરણ વખતે સૈફના મનમાં એક બીજુ નામ પણ આવ્યુ હતુ બની શકે કે બંનેના આ દીકરાનું નામ એજ રાખે.
સૈફ-કરીનાના દિકરા તૈમૂરને લઇને સોશ્યલ મિડીયા પર કોન્ટ્રોવર્સી થઇ હતી પરંતુ કરીનાએ પોતાના દિકરાને તૈમૂર નામ જ આપ્યું, તે વખતે સૈફના મનમાં દિકરા માટે બીજુ નામ આવ્યુ હતુ જેનો કરીનાએ જ એક ઇન્ટરવ્યૂમાં ખુલાસો કર્યો હતો. 2018માં ઇન્ડિયા ટુડે સાથે વાત કરતા કરીનાએ કહ્યું કે જ્યારે તે હોસ્પિટલ જઇ રહી હતી ત્યારે સૈફે કહ્યું હતુ કે શું તે તૈમૂર નામને લઇને શ્યોર છે? કારણકે સૈફ અલી ખાન તેના દિકરાનું નામ 'ફૈઝ' રાખવા ઇચ્છતો હતો.
કરીના તે વાત પર અડી રહી કે જો તેને દિકરો થશે તો તે તેને ફાઇટર બનાવવા માંગે છે અને તૈમૂરનો અર્થ લોખંડ થાય છે. કરીના તૈમૂર નામ પર ગર્વ કરે છે. કરીનાએ તેના બીજા દિકરાનું નામ નથી રાખ્યુ પરંતુ ક્યાસ લગાવી રહ્યાં છે કે તેના દિકરાનું નામ 'ફૈઝ' જ રાખશે.