ઇન્ટરવ્યૂ / 12 વર્ષ મોટી અમૃતા સાથે પ્રેમલગ્ન કરનાર સૈફને છુટાછેડા લેતી વખતે કરોડના હપ્તા ચુકવવા પડ્યા હતા

સૈફ એક બાજુ એની અપકમિંગ ફિલ્મોને લઇને ચર્ચામાં રહે છે તો બીજી બાજુ અમૃતા સિંહ પોતાની પુત્રી સારા અલી ખાનને લઇને. સૈફની પહેલી પત્ની અમૃતા એના કરતાં 12 વર્ષ મોટી હતી. પરંતુ તેમ છતાં બને વચ્ચે પ્રેમ થયો અને પછી લગ્ન. પરંતુ એ લોકોનો રિલેશન લાંબા ચાલી શક્યા નહીં. એક ઇન્ટરવ્યૂમાં સૈફે કહ્યું કે અમૃતાએ મારી પાસેથી 5 કરોડ રૂપિયા આપવા માટે કહ્યું હતું પરંતુ એ વખતે મારી સ્થિતિ નહતી કે પૂરા રૂપિયા આપી શકું. 

સૈફ અને અમૃતા સિંહની પહેલી મુલાકાત 1991માં થઇ હતી. એ સમયે અમૃતા બોલીવુડમાં પોતાની ઓળખ બનાવી ચુકી હતી અને સૈફ બેખુદી ફિલ્મથી ડેબ્યૂ કરવા જઇ રહ્યો હતો. ત્યારે અમૃતા સિંહના ફોટાશૂટ દરમિયાન જ તે બંનેની મુલાકાત થઇ. 

આ ફોટોશૂટ દરમિયાન સૈફ અમૃતાના ખભા પર હાથ રાખવાનો પ્રયત્ન કરી રહ્યો હતો. સૈફને આવું કરતાં અમૃતાએ નોટિસ કર્યો હતો. આ ઘટના બંનેની પહેલી નજરનો પ્રેમ નહતો પરંતુ આ કારણથી બંને એકબીજાની તરફ આકર્ષિત જરૂર થઇ ગયા હતા. આ ફોટોશૂટ બાદ સૈફના દિલમાં અમૃતા માટે એક ખાસ જગ્યા જરૂરથી બની ગઇ. સૈફ અમૃતાને ફરીથી મળવા એટલો ઊતાવળો હતો કે એને અમૃતા સિંહને ફોન પણ કર્યો હતો અને તઓ બહાર ડિનર કરવા ગયા હતા. 

ત્યારબાદ સૈફ અને અમૃતાએ પોતાની લાઇફથી જોડાયેલી દરેક ચીજ એક બીજાને જણાવી. એટલે સુધી કે બંનેએ એક બીજાને કિસ પણ કરી. ત્યારબાદ સૈફ અને અમૃતાને અહેસાસ થયો કે બંને એકબીજાને પ્રેમ કરવા લાગ્યા છે. 

ત્યારબાદ બંનેએ લગ્ન કરવાનો નિર્ણય લઇ લીધો. સૈફથી અમૃતા ઉંમરમાં 12 વર્ષ મોટી હતી જો કે બંનેના સંબંધની વચ્ચે ક્યારેય પણ ઉંમર આડે આવી નહતી. લગ્નનો નિર્ણય ખૂબ મોટો હતો કારણ કે એ સ્ટાર હતી જ્યારે સૈફ ઇન્ડસ્ટ્રીમાં આવવા માટે સ્ટ્રગલ કરી રહ્યા હતા. 

આ બંનેની લાઇફ ખૂબ જ સારી રીતે ચાલી રહી હતી. એ વચ્ચે પોતાના વિદેશી ટ્રિપ દરમિયાન સૈફની લાઇફમાં ઇટેલિયન મૉડલ રોજ આવી ગઇ અને બંનેના ડિવોર્સનું કારણ બની, કારણ કે સૈફ રોજાની સાથે મુંબઇમાં રહેવા લાગ્યો. 

સૈફે એક ઇન્ટરવ્યૂમાં જણાવ્યું હતું, 'અમૃતાએ ડિવાર્સ બાદ મારી પાસે 5 કરોડની માંગણી કરી હતી. અમૃતાને 2.5 કરોડ આપ્યા હતા. બાકી બચેલી રકમમાં અમૃતાને થોડી થોડી કરીને આપી રહ્યો છું. આ ઉપરાંત હું અમૃતાને દર મહિને ત્યાં સુધી 1 લાખ રૂપિયા આપતો રહીશ જ્યાં સુધી પુત્ર ઇબ્રાહ્મિ 18 વર્ષનો થઇ ના જાય.'