ચૂંટણી / યોગી ફોર્મૂલા પર સાધ્વી પ્રજ્ઞા, પ્રચાર પર પ્રતિબંધ તો પહોંચ્યા મંદિર

લોકસભા ચૂંટણીના પ્રચાર-પ્રસારમાં વિવાદીત નિવેદનો આપવા પર સાધ્વી પ્રજ્ઞા ઠાકુર પર ચૂંટણી પંચે કાર્યવાહી કરી અને પ્રચાર-પ્રસાર પર પ્રતિબંધ લગાવ્યો. તો પ્રજ્ઞા ઠાકુરે યોગી ફોર્મૂલા અપનાવ્યો અને ભગવાનના મંદિર પહોંચી ગયા. ભગવાના દર્શન તો કર્યા જ સાથે-સાથે ભક્તો સાથે ભક્તિમાં લીન્ન થઈ ગયા. 

મહત્વનું છે કે, આ પહેલા યુપીના મુખ્યમંત્રી યોગી આદિત્યનાથી પણ આવી જ ફોર્મૂલા અપનાવી હતી. ચૂંટણીપંચે પ્રચાર કરવા પર પ્રતિબંધ લગાવ્યો તો યોગીજી હનુમાન મંદિર પહોંચી ગયા હતા. જ્યારે હવે પ્રજ્ઞા ઠાકુર દુર્ગા મંદિર પહોંચી ગયા. અહીં આપને એ પણ જણાવી દઈએ કે, સાધ્વી પ્રજ્ઞા ઠાકુર પર આ પ્રતિબંધ શહીદ હેમંત કરકરે  અને બાબારી ધ્વંસ મુદ્દે વિવાદીત નિવેદન આપવાને લઈને લગાવાયો છે. જે મુજબ 72 કલાક સુધી તે પ્રચાર-પ્રસાર નહીં કરી શકે, પરંતુ આ રીતે ભગવાનના મંદિરમાં જઈ ભજન તો ગાઈ જ શકશે.