સાબરકાંઠાના શામળાજી હાઈ-વે પર ટ્રિપલ અકસ્માત થયો છે. શામળાજી હાઈ-વે પર ગામડી ગામના પાટિયા પાસે ટ્રક બાઈક અને કાર વચ્ચે અકસ્માત થયો. જે બાદ વાહનોમાં આગ ભભૂકી ઉઠી હતી. જેના કારણે વાહનો સળગીને રાખ થઈ ગયા છે. તો અકસ્માતમાં બાઈક ચાલક ઈજાગ્રસ્ત થયો છે.
#Sabarkantha ના હિંમતનગર-શામળાજી હાઈ-વે પર અકસ્માત ગામડી ગામ પાસે ટ્રક બાઈક અને કાર વચ્ચે અકસ્માત અકસ્માત બાદ વાહનોમાં લાગી આગ
આગ લાગતા વાહન સળગીને રાખ અકસ્માતમાં બાઈક ચલાક ઈજાગ્રસ્ત pic.twitter.com/joykcHWUMI
આ ઘટના મળતી વિગત મુજબ આજરોજ વહેલી સવારે શામળાજી હાઈ-વે પર ટ્રિપલ અકસ્માતની ઘટના બનવા પામી હતી. જેમાં શામળાજી હાઇવે પર આવેલ ગામડી ગામના પાટિયા પાસે ટ્રક-બાઇક અને કાર ધડાકાભેર અથડાયા હતા. જો કે આ ત્રણેય વાહનો અથડાયા બાદ તેમાં અચાનક આગ ભભૂકી ઉઠી હતી.
અકસ્માતની આ ઘટનાને પગલે આસપાસના લોકોમાં તાત્કાલિક અસરથી ઘટના સ્થળે દોડી આવ્યા હતા અને બચાવ કામગીરી હાથ ધરી હતી. આગને પગલે અફરા-તફરીનો માહોલ સર્જાયો હતો. જો કે આ ઘટનામાં કોઇ જાનહાની થવા પામી નહોતી. પરંતુ આગ ક્યાં કારણોસર લાગી તે હજી સુધી સ્પષ્ટ થઇ શક્યું નહોતું.