શોક વ્યક્ત કર્યો / મોરબી દુર્ઘટનામાં રશિયાના રાષ્ટ્રપતીએ દુઃખ વ્યક્ત કર્યું, ઘાયલ જલ્દી સ્વસ્થ થાય તે માટે પ્રાર્થનાં કરી

• રશિયાના રાષ્ટ્રપતિ પુતિને મોરબી બ્રિજ દુર્ઘટના પર શોક વ્યક્ત કર્યો
• ઘાયલોને જલ્દી સ્વસ્થ થાય તેમના માટે કરી પ્રાર્થના
• નેપાળના વડાપ્રધાને પણ કર્યો શોક વ્યક્ત

 રશિયાના રાષ્ટ્રપતિ વ્લાદિમીર પુતિને ગુજરાતના મોરબી શહેરમાં થયેલ પુલ દુર્ઘટનામાં માર્યા ગયેલા લોકો પ્રત્યે દુઃખ વ્યક્ત કર્યું છે. આ દુર્ઘટનામાં અત્યાર સુધી 134 લોકોનાં મોત નિપજ્યા છે. રાષ્ટ્રપતિ દ્રૌપદી મુર્મૂ અને પ્રધાનમંત્રી નરેન્દ્ર મોદી માટે સોમવારે ક્રેમલિન વેબસાઈટ પર સંદેશ પ્રસારીત કર્યો હતો. જેમાં રાષ્ટ્રપતિ બ્લાદિમીર પુતિને કહ્યું હતું કે માનનીય રાષ્ટ્રપતિ, માનનીય પ્રધાનમંત્રી, કૃપા કરીને ગુજરાત રાજ્યમાં થયેલ પુલ દુર્ઘટનાની ઘટનાને લઈને મારી સંવેદના સ્વીકારો.

રાષ્ટ્રપતિ પુતિને શોક વ્યક્ત કર્યો
રશિયાની એક સમાચાર એજન્સીએ જણાવ્યા મુજબ, પુતિનને દુર્ઘટનામાં જીવ ગુમાવનાર લોકો પ્રત્યે તેમને સ્નેહીજનો અને મિત્રો પ્રત્યે સહાનુભૂતિ વ્યક્ત કરી હતી. તેમજ જે લોકો ઘાયલ છે તે તમામ લોકો જલ્દી સ્વસ્થ થાય તે માટે પ્રાર્થના કરી હતી. રશિયન રાજદૂત ડેનિસ અલીપોવે પણ આ ધટના પર શોક વ્યક્ત કર્યો છે. તેમણે કહ્યું કે ગત રોજ મોરબીનાં ભયંકર દુર્ઘટના બની હતી. મૃત્યું પામેલા લોકોના પરિવારજનો પ્રત્યે સંવેદના વ્યક્ત કરુ છું. તેમજ ઘાયલો જલ્દી સ્વસ્થ થાય તે માટે પ્રાર્થને કરુ છું.

Esteemed Mrs Pres, Mr PM, kindly accept deepest condolences over tragic consequences of collapse of the bridge in Gujarat.Please convey words of sympathy&support to families of deceased&wishes of speedy recovery to all injured in the catastrophe:Russian Pres Putin #MorbiTragedy pic.twitter.com/w015qeszko

— ANI (@ANI) October 31, 2022

નેપાળના વડાપ્રધાને શોક વ્યક્ત કર્યો
નેપાળના વડાપ્રધાન શેર બહાદુર દેઉબાએ પણ મોરબી ઘટના પર શોક વ્યક્ત કર્યો છે. પીએન દેઉબાએ કહ્યું કે ગુજરાતના મોરબીમાં બ્રિજ દુર્ઘટનાથી મને બહુ દુઃખ થયું છે. તેમજ આ ઘટનામાં જીવ ગુમાવનાર લોકો પ્રત્યે સંવેદના વ્યક્ત કરી હતી. તેમજ મૃત્યું પામેલા લોકોના પરિવારજનોને પ્રભુ આધાત સહન કરવાની શક્તિ આપે.

PM મોદી મંગળવારે મોરબીની મુલાકાત લેશે
મોરબીમાં બનેલ બ્રિજ દુર્ઘટના બાદ વડાપ્રધાન મોદીએ તેમના તમામ કાર્યક્રમો રદ્દ કરી મૃતકોને શ્રધ્ધાંજલી અર્પી હતી.. ત્યારે મંગળવારે વડાપ્રધાન મૃત્યું પામેલા લોકોના પરિવારજનોનાં દુઃખમાં સહભાગી થવા માટે મોરબી જશે. તેમજ વર્તમાન પરિસ્થિતિને ધ્યાને રાખીને કેવડિયા ખાતે પારંપરીક નૃત્યનો કાર્યક્રમ રદ્દ કર્યો હતો.