BIG NEWS / PM મોદીને મળ્યા રશિયાના વિદેશમંત્રી: ભારત એક મહત્વપૂર્ણ દેશ, કરી શકે છે યુક્રેન વિવાદમાં મધ્યસ્થતા

• રશિયા અને યુક્રેન વચ્ચે જંગ
• રશિયાના વિદેશ મંત્રી ભારતની મુલાકાતે આવ્યા
• પીએમ મોદી સાથે કરી મુલાકાત

યુક્રેન સાથે ચાલી રહેલા વિવાદ વચ્ચે ભારતના પ્રવાસે આવેલા રશિયાના વિદેશ મંત્રી સર્ગેઈ લાવરોવે શુક્રવારે પ્રધાનમંત્રી મોદી સાથે મુલાકાત કરી હતી. આ અગાઉ તે પોતાના સમકક્ષ ડો. એસ. જયશંકર સાથે પણ મળ્યા હતા.

વિદેશમંત્રીની પ્રેસ કોન્ફ્રરંસ

પ્રધાનમંત્રી મોદી સાથે મુલાકાત કર્યા પહેલા એક પ્રેસ વાર્તાને સંબોધન કરતા રશિયાના વિદેશ મંત્રીએ કહ્યું કે, ભારત મોસ્કો અને કીવની વચ્ચે મધ્યસ્થતા કરી શકે છે. તેમણે કહ્યું કે, રશિયા અને યુક્રેન વચ્ચે હજૂ સુધી કોઈ તટસ્થ સમાધાન સુધી પહોંચવામાં નિષ્ફળ રહ્યા છીએ. આપને જણાવી દઈએ કે, ભારત આવતા પહેલા સર્ગેઈ લાવરોવે ચીનની સત્તાવાર મુલાકાતે પણ ગયા હતા.

Russian FM Lavrov meets PM Modi as India-Russia ties deepen

Read @ANI Story | https://t.co/P0qpcDxw1E#Russia #India #PMModi #SergeiLavrov pic.twitter.com/4ggGhhzr7B

— ANI Digital (@ani_digital) April 1, 2022

ભારત એક મહત્વનો દેશ

રશિયા અને યુક્રેનની વચ્ચે વિવાદના સમાધાન માટે ભારતની મધ્યસ્થતા કરવાની સંભાવનાઓના સવાલ પર તેમણે કહ્યું કે, ભારત એક મહત્વપૂર્ણ દેશ છે. લાવરોવે કહ્યું કે, જો ભારત આવી ભૂમિકા નિભાવવા માગે છે, જે સમસ્યાનું હલ કાઢી શકે. જો આંતરરાષ્ટ્રીય પડકારો તરફ ભારતની સ્થિતિ ન્યાયપૂર્ણ અને યોગ્ય સમજનારી છે, તો આવા મામલામાં સહયોગ કરી શકે છે. 

Russian Foreign Minister Sergey Lavrov was received by Prime Minister Narendra Modi during his official visit to India

(Pic courtesy: Twitter handle of Ministry of Foreign Affairs of Russia) pic.twitter.com/ykBPI3drDf

— ANI (@ANI) April 1, 2022

અમેરિકાના દબાણની કોઈ અસર નહીં થાય

લાવરોવ ગુરૂવારે બે દિવસીય સત્તાવાર મુલાકાતે ભારત આવ્યા હતા. તેમણે ભારતની સ્વતંત્ર વિદેશ નીતિના વખાણ કર્યા અને ભારત પર અમેરિકાના દબાણ, વિજળીના વધતાં ભાવ અને રશિયા પર પ્રતિબંધો સહિત કેટલાય મુદ્દા પર ચર્ચા થઈ હતી. ભારત રશિયા સંબંધો પર અમેરિકાના દબાણની અસરને લઈને તેમણે કહ્યું કે, આ ભાગીદારીને પ્રભાવિત કરી શકશે નહીં. અમારી ભાગીદારી અપ્રભાવિત રહેશે.