- રશિયન સેનાએ Zhytomyr શહેરમાં એક સ્કૂલને ઉડાવી દીધી
- અત્યાર સુધીમાં 25 સ્કૂલો પર બોમ્બમારો કર્યાનો યુક્રનનો દાવો
- જૈપોરિઝિયા ન્યૂક્લિયર પ્લાન્ટ પર રશિયાનો કબજો
રશિયા-યુક્રેન વચ્ચેના યુદ્ધને આજે 9 દિવસ થઇ ગયા છે. એવામાં રશિયન આર્મીએ વધુ એક શહેર Zhytomyr પર કબજો મેળવી લીઘો છે. જ્યાં એક સ્કૂલને પણ ઉડાવી દેવાઇ તેમજ અત્યાર સુધી 25 સ્કૂલો પર બોમબમારો કરાયાનો યુક્રેન દ્વારા દાવો પણ કરવામાં આવ્યો છે. તેમજ હજુ પણ યુક્રેનની રાજધાની કીવમાં સતત ધમાકા કરવાના શરૂ જ છે.
આ સિવાય યુક્રેનના જૈપોરિજિયા ન્યુક્લિયર પ્લાન્ટ પાસે રશિયન મિસાઇલથી હુમલો કરી દીધો હતો. આ હુમલા બાદ પ્લાન્ટમાં ભીષણ આગ પણ લાગી હતી. તો બીજી બાજુ રશિયા દ્વારા યુક્રેન પર હજુ તાબડતોડ હુમલાઓ શરૂ છે. એવામાં કીવમાં એક ભારતીય વિદ્યાર્થી પણ ગોળીબારમાં ઘાયલ થયો છે. આ અંગે વી.કે સિંહનું કહેવું છે કે, અમે ઓછામાં ઓછાં નુકસાન સાથે વધારે ને વધારે ભારતીયોને એરલિફ્ટ કરાવવાની કોશિશ કરી રહ્યાં છીએ.
ભારતીયો માટે 130 બસો તૈયાર
યુક્રેનમાં ફસાયેલા ભારતીયોને નીકાળવા માટે 130 રશિયન બસો પણ તૈયાર કરવામાં આવી છે. રશિયન રાષ્ટ્રીય રક્ષા નિયંત્રણ કેન્દ્રના પ્રમુખ કર્નલ જનરલ મિસાઇલ મિજિંટસેવએ જણાવ્યું કે, 130 રશિયન બસ ભારતીય વિદ્યાર્થીઓ અને અન્ય વિદેશીઓને યુક્રેનના ખારકિવ અને સૂમીથી રશિયાના બેલગોરોડ ક્ષેત્રમાંથી નીકળવા માટે તૈયાર છે.
ઉલ્લેખનીય છે કે, રશિયા અને યુક્રેન વચ્ચે ચાલી રહેલી યુદ્ધ હવે વધારે ભયાનક બની ગયું છે. એવામાં રશિયન સૈન્યએ યુરોપના સૌથી મોટા ન્યુક્લિયર પ્લાન્ટ પર બોમ્બમારો કર્યા બાદ રશિયન સેનાએ તેને પણ પોતાના કબજામાં કરી લીધું છે.
188 વિદ્યાર્થીઓ સાથેનું જહાજ સ્લોવાકિયાથી રવાના : રાજદૂત
સ્લોવાકિયામાં ભારતના રાજદૂત વનલાલહુમાએ જણાવ્યું હતું કે, હાલમાં 188 વિદ્યાર્થીઓ સાથેની ફ્લાઈટ રવાના થઈ રહી છે અને બપોરમાં ભારતીય વાયુસેનાનું વિમાન 210 વિદ્યાર્થીઓ સાથે રવાના થવાની અમે અપેક્ષા રાખીએ છીએ.
રશિયાએ 251 ટેન્ક અને 37 હેલિકોપ્ટર ગુમાવ્યાઃ યુક્રેન
યુક્રેનની સેના દ્વારા જાહેર કરવામાં આવેલી માહિતી અનુસાર, યુદ્ધની શરૂઆતથી જ રશિયાને પણ ઘણું નુકસાન થયું છે. રશિયાએ અત્યાર સુધીમાં 9166 સૈનિકો ગુમાવ્યા છે. આ સાથે 37 હેલિકોપ્ટર, 251 ટેન્ક, 404 કાર અને 50 એમએલઆર પણ ખોવાઈ ગયા છે. રશિયાએ અન્ય ઘણી બધી વસ્તુઓથી હાથ ધોવાનો વારો આવ્યો છે.
હુમલામાં બોરોડિયાંકા શહેર નાશ પામ્યું
રશિયન હુમલાએ યુક્રેનના શહેર બોરોડિયાંકા પર ભારે તબાહી મચાવી દીધી છે. 3જી માર્ચે રશિયન આર્મીના હુમલાઓ દ્વારા કીવથી 60 કિમી ઉત્તર-પશ્ચિમમાં આવેલા બોરોડિયાંકા શહેરને કેવી રીતે નુકસાન થયું તે માટે જુઓ આ VIDEO...
ચન્નીહિવમાં 33 લોકોના મોત
રશિયન સૈનિકોએ યુક્રેનના અનેક શહેરો પર હવાઈ હુમલાઓ વધુ તીવ્ર કર્યા છે. ઓડિશા સહિત ઘણી જગ્યાએ એર સ્ટ્રાઈકનું એલર્ટ જારી કરવામાં આવ્યું છે. દરમિયાન, ચર્નીહીવ પર થયેલી હવાઈ હુમલામાં 33 લોકોના મોત થયા છે.
