રશિયા-યુક્રેન વચ્ચેનું યુદ્ધ હવે દિવસે ને દિવસે વધારે ને વધારે ખતરનાક બનતુ જાય છે. ત્યારે રશિયન સેનાએ યુક્રેનની રાજધાની કીવને હવે ચારે તરફથી ઘેરી લીધું છે. રશિયાન સૈન્ય હવે યુરોપના સૌથી મોટા ન્યુક્લિયર પાવર પ્લાન્ટ તરફ આગળ વધી રહ્યું છે. ત્યારે રશિયન સૈન્યએ વધુ એક શહેર પર કબજો મેળવી લીધો છે.
રશિયન સૈન્યએ વધુ એક શહેર પર કબજો મેળવ્યો
મિસાઇલ એટેકમાં એક બાંગ્લાદેશી નાગરિકનું મોત
208 ભારતીય નાગરિકોને લઈને વિમાન દિલ્હી પહોંચ્યું
મહત્વનું છે કે, આજે રશિયા અને યુક્રેન વચ્ચેના યુદ્ધનો આઠમો દિવસ છે. સંયુક્ત રાષ્ટ્ર મહાસભાએ પણ યુક્રેનમાંથી રશિયન સૈનિકોને હટાવવાનો ઠરાવ પસાર કરી દીધો છે. એવામાં આજે ફરી બંને દેશો વચ્ચે બીજા રાઉન્ડની વાતચીત યોજાશે.
Ukrainian officials confirm Russia's capture of southern city Kherson, reports AFP
બાંગ્લાદેશી જહાજ પણ રશિયન મિસાઈલની ઝપેટમાં, એકનું મોત
તમને જણાવી દઇએ કે, યુક્રેની પોર્ટ પર હાજર બાંગ્લાદેશી જહાજ પણ રશિયન મિસાઈલ હુમલાની ઝપેટમાં આવી ગયું હતું. જેમાં યુક્રેની મીડિયાના જણાવ્યાં અનુસાર, તેમાં એક બાંગ્લાદેશી ક્રૂ મેમ્બરનું પણ મોત થઇ ગયું છે. આ જહાજનું નામ BANGLAR SAMRIDDHU છે.
રશિયાએ છેડેલી જંગના કારણે યુક્રેન છોડીને ભાગી જતા નાગરિકોની સંખ્યા 10 લાખને વટાવી ગઈ છે. આ માત્ર સાત જ દિવસની અંદર થયું છે. UNHCR નું કહેવું છે કે, યુક્રેનની 2 ટકા વસ્તી એક જ સપ્તાહની અંદર જતી રહી છે.
Third Indian Air Force's C-17 aircraft carrying 208 Indian citizens from #Ukraine, lands at Hindan airbase near Delhi from Rzeszow in Poland
યુક્રેનથી 208 ભારતીય નાગરિકોને લઈને ભારતીય વાયુસેનાનું ત્રીજું C-17 વિમાન પોલેન્ડના રેજજોથી દિલ્હી પાસેના હિંડન એરબેઝ પર ઉતર્યું.
વોલોદીમિર ઝેલેંસ્કીએ કહ્યું - 'રશિયાના 4 દેશો છે મિત્ર'
યુક્રેનના રાષ્ટ્રપતિ વોલોદીમિર ઝેલેંસ્કીએ કહ્યું કે, 'રશિયા પાસે માત્ર 4 દેશ મિત્રો છે. જેમાં ઉત્તર કોરિયા, ઈરીટ્રિયા, સીરિયા અને બેલારુસનો સમાવેશ થાય છે. આ ચારેયએ સંયુક્ત રાષ્ટ્ર મહાસભામાં રશિયા વિરુદ્ધ પ્રસ્તાવના વિરોધમાં મતદાન કર્યું હતું. આ પ્રસ્તાવમાં યુક્રેનમાંથી રશિયન સેના હટાવવાની વાત કહેવામાં આવી હતી.
અત્રે ઉલ્લેખનીય છે કે, ગઇ કાલે સંયુક્ત રાષ્ટ્ર સામાન્ય સભાની વિશેષ ઇમરજન્સી બેઠક બાદ નિંદા પ્રસ્તાવ પાસ કરવામાં આવ્યો હતો. સંયુક્ત રાષ્ટ્રના આ નિર્ણયનું 141 દેશોએ સમર્થન કર્યું હતું જ્યારે 5 દેશોએ વિરોધમાં મત આપ્યો. ત્યારે 35 દેશોએ મતદાનમાં ભાગ ન લીધો. ભારતે પણ વોટિંગમાં ભાગ ન લીધો.
રશિયા સામે વ્યાપક ગઠબંધન હોવું જોઈએ - બોરિસ જોન્સન
બ્રિટને યુક્રેનમાં રશિયન રાષ્ટ્રપતિ વ્લાદિમીર પુતિન દ્વારા કરવામાં આવેલા હુમલા સામે "સંભવિત રૂપથી વ્યાપક ગઠબંધન" માટે હાંકલ કરવામાં આવી છે, જેમાં ભારતનો પણ સમાવેશ થાય છે. બ્રિટિશ વડાપ્રધાન યુક્રેનના શહેરો પર પુતિનના હુમલાઓની "સાર્વત્રિક નિંદા" કરવા માટે વિશ્વભરના નેતાઓના સંપર્ક સાધી રહ્યાં છે. તેઓએ જણાવ્યું કે, "પુતિન જે પગલાં લઈ રહ્યાં છે તેની સામે અમે શક્ય તેટલું વ્યાપક ગઠબંધન બનાવવા માંગીએ છીએ."