RUSSIA UKRAINE WAR / રશિયા પાસે ખૂટી રહ્યા છે દારૂગોળા, 10 દિવસ યુદ્ધ ચાલશે તો હારી જશે રશિયા, અધિકારીના દાવાથી ખળભળાટ મચ્યો

• રશિયા અને યુક્રેન વચ્ચે જંગ હજૂ પણ ચાલું
• રશિયા પરેશાન, દારૂગોળા ખતમ થશે
• પૂર્વ અમેરિકી સૈન્ય અધિકારીના દાવાથી ખળભળાટ મચ્યો

રશિયા અને યુક્રેન વચ્ચેના જંગને આજે 20મો દિવસ છે. આ તમામની વચ્ચે બંને દેશોની વચ્ચે અત્યાર સુધીમાં કેટલાય દૌરની વાતચીત થઈ ચુકી છે. પણ જંગ ખતમ થવાનું નામ નથી લેતું. લાંબા ખેંચાતા જંગની વચ્ચે રશિયાના સૈન્ય ઉપકરણો અને દારૂગોળા ખતમ થઈ રહ્યા છે. પૂર્વ અમેરિકી સૈન્ય અધિકારીએ દાવો કર્યો છે કે, રશિયાની પાસે ફક્ત દશ દિવસ સુધી ચાલે એટલો જ દારૂગોળો બચ્યો છે. તો વળી યુક્રેન વિરુદ્ધ રશિયા મામલામાં આંતરરાષ્ટ્રીય કોર્ટ 16 માર્ચના રોજ પોતાનો ચુકાદો સંભળાવી શકે છે. 

10 ચાલે એટલો દારૂગોળો બચ્યો

રશિયા અને યુક્રેન વચ્ચેના જંગને 20 દિવસ વિતી ચુક્યા છે, ન રશિયા ઝુકવા તૈયાર છે, અને તો યુક્રેન પાછીપાની કરે છે. ત્યારે આવા સમયે બંને દેશોને ભારે નુકસાન વેઠવાનો વારો આવ્યો છે. આ તમામની વચચ્ચે અમેરિકાના પૂર્વ સૈન્ય અધિકારી બેન હોજેસે દાવો કર્યો છે કે, રશિયા પાસે 10 દિવસ સુધી ચાલે એટલો જ દારુગોળો બચ્યો છે. તેમણે કહ્યું કે, જો યુદ્ધ 10 દિવસ હજૂ લાંબુ ચાલશે, તો રશિયાની સેના હારી જશે, કારણ કે, તેમની પાસે દારૂ ગોળા અને બોમ્બ તથા સૈન્ય સાધનો ઝડપથી ખતમ થઈ રહ્યા છે. 

રશિયાને ભારે નુકસાન

યુક્રેન વિરુદ્ધ જંગ લડવા માટે 40 હજારથી વધારે સીરિયાઈ સૈનિકો તૈયાર છે. આ યોદ્ધાએ રશિયા તરફથી જંગમાં ભાગ લેવા માટે રજીસ્ટ્રેશન કરાવ્યું છે. સીરિયન ઓબ્ઝર્વેટ્રી ફોર હ્યૂમન રાઈટ્સના જણાવ્યા અનુસાર આ યોદ્ધાએ રશિયા તરફથી યુક્રેન જવા માગે છે. જો કે, 14 માર્ચ સુધી કોઈ સીરિયાઈ યોદ્ધાએ દેશ છોડ્યો નથી.

રશિયા અને યુક્રેનમાં ભારે નુકસાન

યુક્રેનના 50થી વધારે શહેરો રશિયાના હુમલાના ટાર્ગેટ પર છે. નબળા પાડોશી દેશ પર સંપૂર્ણ કંટ્રોલ કરવા માટે નિષ્ફળ રહેલા રશિયાએ હુમલા વધારે આક્રમક કર્યા છે. બોમ્બ બ્લાસ્ટ, ટેંક, દારૂગોળા, રોકેટ અને મિસાઈલના હુમલાએ અનેક જગ્યાએ વિનાશ વેર્યો છે. તેની ભયંકર તસ્વીરો પણ સામે આવી છે. એક અનુમાન મુજબ રશિયાના હુમલાના પરિણામથી એકલા મૈરિયૂપોલમાં જ 2500થી વધારે નાગરિકોને જીવ ખોવાનો વારો આવ્યો હતો. યુક્રેનના જણાવ્યા અનુસાર રશિયાના હુમલામાં સૈનિકોથી વધારે સામાન્ય નાગરિકોના મોત થયા છે.