જંગ / યુક્રેનનું આવી બન્યું ! ચારેબાજુએથી તૂટી પડવાનો સૈનિકોને હુકમ, રશિયાની મોટી જાહેરાત

• યુક્રેન સાથેના યુદ્ધની વચ્ચે રશિયાની મોટી જાહેરાત 
• યુક્રેન શાંતિ મંત્રણા માટે તૈયાર
• દરેક દિશાએથી હુમલા કરાશે

રશિયાની નવી જાહેરાતથી પહેલેથી ખરાબ યુદ્ધની સ્થિતિ વધારે વણસી જશે. રશિયાએ મોટી જાહેરાત કરતા કહ્યું છે કે, તેની સેના હવે ચારેય દિશાઓથી હુમલો કરવા જઈ રહી છે. તેમના મતે યુક્રેનને જે વાતચીતની ઓફર આપવામાં આવી હતી તે યુક્રેને સ્વીકારી નથી.

યુક્રેને વાતચીતનો પ્રસ્તાવ નકારી કાઢ્યો-રશિયાનો આરોપ 
રશિયાના સંરક્ષણ મંત્રાલયે એક નિવેદનમાં જણાવ્યું હતું કે સેનાને તેના આક્રમણને વધુ તીવ્ર બનાવવા અને હવે તમામ દિશાઓથી પ્રહાર કરવાનો આદેશ આપવામાં આવ્યો છે. તેમણે કહ્યું કે કીવ (યુક્રેનની રાજધાની) બેલારુસમાં વાટાઘાટો માટેની ઓફરને નકારી કાઢી છે. શુક્રવારે રશિયાએ વાતચીત માટે યુક્રેનને પ્રસ્તાવ આપ્યો હતો. રશિયાએ મોકલેલા શાંતિ પ્રસ્તાવમાં એવું જણાવાયુ હતું કે રશિયાનું એક પ્રતિનિધિમંડળ બેલારુસ મોકલવામાં આવશે જ્યાં શાંતિ મંત્રણા થશે જોકે યુક્રેને આ પ્રસ્તાવ નકારી કાઢ્યો હોવાનો રશિયાનો દાવો છે. 

યુદ્ધ વધારે ભયાનક બનશે 
યુક્રેને આ આરોપનો કોઈ જવાબ આપ્યો નથી, પરંતુ ખતરાની ઘંટડીઓ વાગી ગઈ છે. યુક્રેનની ધરતી પર તબાહી મચાવી રહેલા રશિયન સૈનિકો હવે ઝડપથી અને વધુ ખતરનાક રીતે આક્રમણ કરવા જઈ રહ્યા છે. ઉપરથી ફરમાન મળ્યું છે, એવી રીતે કે આવતીકાલનો દિવસ વધુ ભયાનક બની શકે. આજે રશિયન સેના દ્વારા ભારે બોમ્બમારો કરવામાં આવ્યો હતો, બેથી ત્રણ ભયાનક વિસ્ફોટ થયા હતા, હવે આ જાહેરાત બાદ સ્થિતિ બદથી બદતર થઇ શકે છે.

રશિયાની શાંતિ મંત્રણાની ઓફ યુક્રેન સ્વીકારી હોવાનો દાવો 
રશિયાની શાંતિ મંત્રણાની ઓફર યુક્રેને સ્વીકારી લીધી છે. રશિયન સમાચાર એજન્સી તાસ એજન્સીના જણાવ્યા મુજબ આ સંવાદ માટે માત્ર સ્થળ અને સમય પર જ મનોમંથન ચાલી રહ્યું છે. જોકે પહેલા યુક્રેનના રાષ્ટ્રપતિ વોલોડોમીર ઝેલેન્સ્કી તરફથી શાંતિ વાર્તા શરૂ કરવા માટે ફોન કરવામાં આવ્યો હતો ત્યાર બાદ રશિયા વતી આવી ઓફ આપવામાં આવી હતી.