રશિયામાં ભારતની બસ બે બેન્ક છે. SBI અને કેનરા બેન્કના જોઈન્ટ વેન્ચરનું નામ 'કોમર્શિયલ ઈન્ડો બેન્ક એલએલસી' છે.
રશિયા-યુક્રેન યુદ્ધ વચ્ચે SBIનું એલાન
RBI સ્થિતિ પર કરી રહ્યું દેખરેખ
જાણો શું કર્યું એલાન
રશિયા અને યુક્રેનની વચ્ચે યુદ્ધ ચાલી રહ્યું છે. તેની જ સાથે જ ઘણા પશ્ચિમી દેશોએ રશિયા પર આર્થિક પ્રતિબંધ લગાવી દીધા છે. એવામાં ભારતે પણ હાલ રશિયામાં વ્યાપાર રોકી દિધો છે. હકીકતે, રશિયામાં ભારતની સૌથી મોટી બેન્ક SBI અને મિડ-સાઈઝ પબ્લિક સેક્ટર બેન્ક કેનરા બેન્કનું જોઈન્ટ વેન્ચર છે. રશિયામાં એક્ટિવ આ ભારતીય ઓરિજીનનું એક માત્ર બેન્કિંગ ઓર્ગેનાઈઝેશન છે.
શું છે જોઈન્ટ વેન્ચરનું નામ?
આમ તો વોર ઝોનમાં ભારતીય બેન્કોની કોઈ સબ્સિડિયરી, બ્રાન્ચ અથવા રિપ્રેજેન્ટિવ નથી. પરંતુ રશિયામાં ભારતની બસ બે બેન્કો છે. SBI અને કેનેરા બેન્કના જોઈન્ટ વેન્ચરનું નામ 'કોમર્શિયલ ઈંડો બેન્ક એલએલસી' છે. આ બેન્કમાં જ્યાં SBIની ભાગીદારી 60% છે જ્યારે કેનેરા બેન્કની ભાગીદારી 40 ટકા છે.
RBI કરી રહ્યું દેખરેખ
ભારતીય રિઝર્વ બેન્ક આ જંગની વચ્ચે ઉત્પન્ન સ્થિતિ પર નજર રાખીને બેઠી છે. RBIની તરફથી હાલ આપવામાં આવેલા ડેટા અનુસાર રશિયામાં કોઈ પણ ભારતીય બેન્કની કોઈ સબ્સિડિયરી નથી. બીજા દેશોમાં ભારતીય બેન્કોની ડઝનો સબ્સિડિયરી કંપનીઓ છે પરંતુ આ કંપનીઓ બ્રિટન, કેનેડા, અમેરિકા અને કેન્યા, તંજાનિયા અને ભૂટાન જેવા દેશોમાં છે. એટલે કે રશિયામાં હાલ ભારતની સબ્સિડિયરી ન હોવાથી કોમર્શિયલ ઈંડો બેન્ક એલએલસી જ એક માત્ર વેંચર છે.
31 ઓક્ટોબર, 2021 સુધી આ ડેટા અનુસાર ભારતીય બેન્કોની બીજા દેશોમાં કુલ 124 શાખાઓ છે. જેમાં યુએઈમાં ભારતીય બેન્કોની સૌથી વધુ 17 શાખાઓ, સિંગાપુરમાં 13, હોંગકોંગમાં નવ અને અમેરિકા, મોરીશસ અને ફિઝી દ્વીપમાં 8-8 બ્રાન્ચ છે. એટલે કે ભારતીય બેન્કની રશિયામાં કોઈ શાખ નથી. આટલું જ નહીં. તમને જણાવી દઈએ કે રશિયામાં ભારતીય બેન્કોને ઘણી રિપ્રેજેન્ટેટિવ ઓફિસ પણ નથી જ્યારે યુએઈ, બ્રિટન અને હાંગકોંગ જેવા દેશોમાં ભારતના 38 રિપ્રેજેન્ટિટિવ ઓફિસ છે.
SBIએ કરી મોટી જાહેરાત
આ વચ્ચે ભારતની સૌથી મોટી બેન્કે એ સ્પષ્ટ કરી દીધુ છે કે ઈન્ટરનેશનલ પ્રતિબંધોના દાયરામાં આવતા રશિયાના વિસ્તારની સાથે તે કોઈ પણ પ્રકારના ટ્રાન્ઝેક્શન નહીં કરે. રોયટર્સની તરફથી આપવામાં આવેલા એક રિપોર્ટ અનુસાર એસબીઆઈએ પોતાના અમુક ક્લાઈન્ટ્સને પત્ર મોકલીને સુચિત કર્યું છે, 'યુએસ, યુરોપીય યુનિયન અને સંયુક્ત રાષ્ટ્રના પ્રતિબંધ સુચીમાં શામેલ બેન્ક, પોર્ટ્સ અને Vesselsની સાથે કોઈ પણ પ્રકારના ટ્રાન્ઝેક્શન નહીં કરવામાં આવે અને આ વાતથી પણ કોઈ ફરક નથી પડતો કે ટ્રાન્ઝેક્શન્સ કઈ કરન્સીમાં થઈ રહ્યા છે.'