રશિયન ડાયરેક્ટ ઈન્વેસ્ટમેન્ટ ફંડ (RDIF)ના CEO કિરીલ દિમિત્રીવે જણાવ્યું હતું કે "ભારત એકલા વિશ્વના 60 ટકા રસી બનાવે છે. અમે અમારી સ્પુટનિક 5ની રસી માટે ભારતના સંબંધિત મંત્રાલયોના સંપર્કમાં છીએ."
રશિયાએ બનાવી છે દુનિયાની સૌપ્રથમ કોવિડ વેક્સિન
ભારત એકલા હાથે બનાવે છે દુનિયાની 60 ટકા રસી: કિરીલ દિમિત્રીવ
ભારત સાથે પાર્ટનરશિપ કરવા ઉત્સુક : RDIFના CEO
રશિયાએ કહ્યું હતું કે "અમે રસી ઉત્પાદનમાં સહાયતા માટેની ભારતની ક્ષમતાઓ સમજીએ છીએ. ભારત આ રસી માત્ર તેના દેશ માટે જ નહીં પરંતુ અન્ય દેશો માટે પણ બનાવી શકે છે. અમે ભારતની કેટલીક કંપનીઓ સાથે ચોક્કસ કરાર કર્યા છે."
We do recognise India's potential to become a support for the production of the vaccine not only in Indian markets but for other countries too & we have achieved certain agreements with the leading companies: Kirill Dmitriev, CEO, Russian Direct Investment Fund
રશિયાએ વિશ્વની પ્રથમ કોરોના રસીની ઘોષણા કરી, ટીકા કરી
નોંધનીય છે કે રશિયાએ 10 ઓગસ્ટે દુનિયાની સૌપ્રથમ કોરોના રસીની જાહેરાત કરી હતી. વિશ્વભરમાં રસીની શોધ દરમિયાન પણ રશિયાની જાહેરાત અંગે નિષ્ણાંતો દ્વારા ચિંતા વ્યક્ત કરવામાં આવી છે. વિશ્વ આરોગ્ય સંગઠને રશિયન રસી વિશે પણ સવાલો ઉભા કર્યા છે. નિષ્ણાંતો કહે છે કે રશિયાએ આ રસી માટે પૂરતા પરીક્ષણો કર્યા નથી અને આવી ઉતાવળ જોખમી સાબિત થઈ શકે છે જો કે રશિયાએ આ બાબતને નકારતા કહ્યું હતું કે તેની રસી સુરક્ષિત છે.
રશિયાએ પાછળથી નવા પરીક્ષણો શરૂ કર્યા હતા
દુનિયાભરમાંથી મેડિકલ એક્સપર્ટસે રશિયાની રસીને વખોડી કાઢી હતી, અને વેક્સિન રેસ જીતવા માટે રશિયાએ આ રસી પૂરતા હ્યુમન ટ્રાયલ્સ વિના જ લોન્ચ કરી દીધી હોવઅનુ જણાવ્યું હતું. જે બાદ પ્રેશર વધતાં રશિયાએ નવેસરથી લોકોનો ભરોસો જીતવા માટે 40000 વૉલંટિયર્સ પર પરીક્ષણ કરવામાં આવશે તેવી જાહેરાત કરી હતી. જો કે રશિયાના રાષ્ટ્રપતિ પુટીને ઘોષણા કરી હતી કે તેમની પુત્રીએ પણ આ વેક્સિન લીધી છે.