ભારે કરી / Google ને કોર્ટે આશરે 750 કરોડ રૂપિયાનો ફટકાર્યો દંડ, જાણો શું છે કારણ

• મોસ્કોની કોર્ટે ગૂગલને અભૂતપૂર્વ ભારે દંડ ફટકાર્યો
• અમેરિકન કંપની પર 7.2 બિલિયન રૂબેલ્સનો દંડ ફટકાર્યો
• દંડની રકમ Googleની વાર્ષિક આવકની ટકાવારીના આધારે નક્કી કરાઈ

ટેક કંપનીઓ પર સામગ્રીને યોગ્ય રીતે મોડરેટ ના કરવા દંડ ફટકાર્યો

ટેલીગ્રામ પર કોર્ટની પ્રેસ સર્વિસે કહ્યું કે અમેરિકન કંપની પર 7.2 બિલિયન રૂબેલ્સ  (9.8 કરોડ ડૉલર, 8.6 કરોડ યુરો)નો દંડ ફટકારવામાં આવ્યો. રશિયાએ હાલમાં વિશ્વની સૌથી મોટી ટેક કંપનીઓ પર સામગ્રીને યોગ્ય રીતે મોડરેટ ના કરવા અને દેશના કેસમાં દખલ આપવાનો આરોપ લગાવતા તેની પર દંડ ફટકાર્યો છે. 

દંડની રકમ Googleની વાર્ષિક આવકની ટકાવારીના આધારે નક્કી કરાઈ

જો કે, મેટા, ટ્વિટર, ગૂગલ અને અન્ય વિદેશી ટેક દિગ્ગજો પર બિલિયન્સમાં નહીં, પરંતુ મિલિયન્સ રૂબલ સુધી દંડ ફટકારવામાં આવ્યો. ઈન્ટરફેક્સ સમાચાર એજન્સીએ જણાવ્યું કે દંડની રકમ Googleની વાર્ષિક આવકની ટકાવારીના આધારે નક્કી કરવામાં આવી હતી. Meta જેની આજે બાદમાં એ આરોપો હેઠળ કોર્ટમાં સુનાવણી થઇ રહી છે. તેને પણ આવક આધારિત દંડની ચેતવણી આપવામાં આવી છે.