માઠા સમાચાર / આ કારણે રશિયામાં વેક્સીનના ટ્રાયલ પર અચાનક લાગી બ્રેક, જલ્દી ફરી શરૂ કરાશે

• રશિયામાં રોકાયું વેક્સીન ટ્રાયલ
• વેક્સીનની વધારે માંગ અને ડોઝની અછત બન્યું કારણ
• વેક્સીનનું ટ્રાયલ રોકાયું તે નિરાશાજનક

 
મળતી માહિતિ અનુસાર મોસ્કોના  ક્લિનિકમાં વેક્સીનનો ડોઝ ખતમ થઈ ચૂક્યો છે. તેના કારણે કામને રોકી દેવાયું છે. મેડિકલ સ્ટાફના એક સભ્યએ સ્વીકાર્યું કે વેક્સીનના કામને વધારે ડિમાન્ડ અને ડોઝની ખામીના કારણે રોકવામાં આવ્યું છે. 10 નવેમ્બરની આસપાસ તેને ફરી શરૂ કરાશે. મોસ્કોના સીટી હેલ્થ ડિપાર્ટમેન્ટની તરફથી આ કેસમાં કોઈ ખાસ નિવેદન આવ્યું નથી. વેક્સીન Sputnik V ને બનાવનારા ગામલેયા રિસર્ચ સેન્ટરે પણ આ માટે કોઈ કમેન્ટ કરવાની મનાઈ કરી છે. ગામલેયા રિસર્ચ સેન્ટરના હેડ એલેક્ઝાન્ડર ગિંટ્સબર્ગે કહ્યું છે કે 85 ટકા લોકોમાં વેક્સીનની કોઈ સાઈડ ઈફેક્ટ જોવા મળી નથી. 

Russia has temporarily stopped vaccinating new volunteers in its #COVID19 vaccine trial due to high demand and a shortage of doses, a representative at the firm running the study said on Thursday, in a setback for Moscow’s ambitious plan to roll out the shot: Reuters

— ANI (@ANI) October 29, 2020

જાણો સ્વાસ્થ્ય મંત્રાલયે શું કહ્યું

રશિયાના સ્વાસ્થ્ય મંત્રાલયે એલેક્સી કુજ્નેત્સોવે કહ્યું કે 40000 લોકો પર વેક્સીનના ટ્રાયલના ટારગેટને પૂરો કરી લેવાયો છે. રશિયાના રાષ્ટ્રપતિ વ્લાદિમીર પુતિને સ્વીકાર્યું કે વેક્સીનના નિર્માણમાં ચેલેન્જનો સામનો કરવો પડી રહ્યો છે. પરંતુ તેની સામે લડી લેશું. રશિયાએ પહેલાં આ વર્ષના અંત સુધીમાં 3 કરોડ વેક્સીન તૈયાર કરવાનું લક્ષ્ય રાખ્યું હતું તેને ઘટાડીને હવે 2 કરોડ કર્યું છે. 

ભારતમાં રશિયાની કોરોના વેક્સીનનું ટ્રાયલ માર્ચ મહિના સુધી ખતમ થઈ શકે છે. રશિયાની વેક્સીનના ભારતમાં ટ્રાયલ કરી રહેલી કંપની હૈદરાબાદની ફાર્મા કંપનીના ડો. રેડ્ડી કહે છે કે રશિયાની વેક્સીનના ત્રીજા ચરણનું માનવ પરીક્ષણ માર્ચ સુધી પૂરું થઈ શકે છે.