ઇકોનોમી / રશિયાના યુદ્ધની ભારતના ખજાના પર માઠી અસર, ડોલર સામે રૂપિયો 'સાવ બેસી ગયો', જુઓ શું છે નુકસાન

• રશિયા-યુક્રેન યુદ્ધ વચ્ચે ડોલર સામે રૂપિયો નબળો
• અમેરિકી ડોલરના મુકાબલે રૂપિયો નવ પૈસા ઘટીને 77.02 થયો
• જાણો મોંઘા ડોલરની શું-શું થશે અસરો?

સોમવારે પણ ડોલર સામે રૂપિયો ગગડીને 77 રૂપિયાના નીચલા સ્તરે પહોંચી ગયો હતો. યુએસ અને તેના યુરોપિયન સાથીઓ દ્વારા રશિયન તેલ પર પ્રતિબંધો લાદવાના અહેવાલો પર ક્રૂડ ઓઇલમાં તાજેતરના ઉછાળા બાદ રૂપિયો સોમવારે લગભગ $77 પ્રતિ ડોલરની નીચી સપાટીએ આવી ગયો હતો. આ સતત પાંચમું સત્ર હતું કે જ્યારે ડૉલર સામે સ્થાનિક ચલણ નબળું પડ્યું.

શું અસર થશે મોંઘા ડોલરની?

ભારત વિશ્વનો બીજા નંબરનો સૌથી મોટો ઇંધણનો વપરાશ કરતો દેશ છે. જે 80 ટકા આયાતના આધારે મળે છે. સરકારી ઓઈલ કંપનીઓ ડોલરમાં પેમેન્ટ કરીને ક્રૂડ ઓઈલ ખરીદે છે. જો ડોલર મોંઘો થશે અને રૂપિયો સસ્તો થશે તો તેમને ડોલર ખરીદવા માટે વધુ રૂપિયા ચૂકવવા પડશે. તેનાથી આયાત મોંઘુ થશે અને સામાન્ય ગ્રાહકોને પેટ્રોલ-ડીઝલ માટે વધુ પૈસા ચૂકવવા નહીં પડે. આમ પણ ત્રીજા ક્વાર્ટરમાં ભારતે 24 અબજ ડોલર વધારે ક્રૂડ ઓઇલ ખરીદવા માટે વિદેશી હૂંડિયામણ ખર્ચવું પડે છે. પરંતુ જે રીતે ક્રૂડ ઓઈલમાં ઉછાળો આવ્યો છે તેનાથી દેશની નાણાંકીય ખાધ પણ વધી શકે છે.

વિદેશમાં પણ એજ્યુકેશન મોંઘુ થઇ જશે

ભારતમાંથી લાખો બાળકો વિદેશમાં અભ્યાસ કરી રહ્યાં છે કે જેમના માતા-પિતા ફીથી લઈને રહેવા સુધીનો તમામ ખર્ચ ચૂકવે છે. તેમનો પણ વિદેશમાં અભ્યાસ મોંઘો થઇ જશે. કારણ કે વાલીઓએ વધુ પૈસા ચૂકવીને ડોલર ખરીદવા પડશે જેથી તેઓ ફી ભરી શકે. જેના કારણે તેમને પણ મોંઘવારીનો મોટો આંચકો મળશે. જુલાઈથી ઑગસ્ટ સુધી એડમિશન શરૂ થતાં ડૉલરની માંગ કોઈ પણ રીતે વધે છે.

વિદેશ પ્રવાસ વધારે ખર્ચાળ બની જશે

ખાદ્યતેલ પહેલેથી જ મોંઘું છે, જે આયાત દ્વારા પૂર્ણ થઈ રહ્યું છે. જો ડોલર મોંઘો થશે તો ખાદ્યતેલની આયાત કરવી વધુ મોંઘી થશે. ખાદ્યતેલની આયાત કરવા માટે વધુ વિદેશી હૂંડિયામણ ખર્ચવું પડે છે. આ ઉનાળાના વેકેશનમાં જે લોકો વિદેશ પ્રવાસનું આયોજન કરી રહ્યાં હતાં તેઓ પણ ચોંકી જશે. કારણ કે મુસાફરીમાં વધુ પૈસા ખર્ચવા પડશે. વિદેશ પ્રવાસ વધારે ખર્ચાળ બની જશે. જેના કારણે મોંઘવારી તેમને પણ અસર કરશે. આ જ રીતે ટ્રાવેલ ઈન્ડસ્ટ્રી પણ કોરોનાના કારણે સંકટમાંથી પસાર થઈ રહી હતી, પરંતુ ડૉલરની મજબૂતાઈના કારણે તેમને પણ મોટો આંચકો લાગ્યો છે.