હેલ્થ ટિપ્સ / વર્કઆઉટ વખતે માસ્ક પહેરવું બની શકે છે ઘાતક, જાણો વિગત

• જોગિંગ વખતે માસ્કનો ઉપયોગ હાનિકારક

જોગીંગ કે વર્કઆઉટ વખતે એન95 માસ્ક પહેરવું ઘાતક બની શકે છે. એમ્સ કાર્ડિયોલોજીસ્ટ વિભાગના ડો. રોય કહે છે કે, સામાન્ય લોકોએ સર્જીકલ કપડામાંથી બનેલુ માસ્ક જ પહેરવું જોઇએ. N95 માસ્કમાં ફિલ્ટર હોવાને લીધે તેમાં હવાનું દબાણ ઓછુ થઇ જતું હોય છે. ડોક્ટર્સ તેમજ હોસ્પિટલ સ્ટાફને જ આ માસ્કનો ઉપયોગ કરવાની સલાહ આપવામાં આવે છે. 

જીમ ફ્રિક લોકો છૂટ મળતાની સાથે જ જીમ જવાનું શરૂ કરી દેશે, પરંતુ તેમણે આ વાત જાણવી જરૂરી છે કે માસ્ક પહેરીને વર્કઆઉટ કરવું અત્યંત જોખમી છે. વર્કઆઉટ વખતે શરીરમાં પૂરતી હવા જવી જરૂરી છે. શરીરને પૂરતી હવા ન મળે તો ઘણા કોમ્પ્લિકેશન થતા હોય છે. એટલે જીમમાં જતી વખતે અથવા જોગીંગ કરતી વખતે માસ્ક જોખમી ન બને તેનું ધ્યાન રાખવું. 

• ધ્યાનમાં રાખવા જેવી બાબતો

ટુ વ્હીલર ધારકોએ માસ્ક પહેરીને હેલ્મેટ તેમજ ગ્લવ્ઝ પહેરવા જોઇએ. ગ્લવ્ઝ કાઢ્યા બાદ હાથને સેનેટાઇઝ કરવાં જોઇએ. કાર ચાલકોએ કારનો દરવાજો ખોલતા પહેલા હેન્ડલને સેનેટાઇઝ કરવું જોઇએ બાદમાં જ કારમાં પ્રવેશ કરવો. કેબનો ઉપયોગ કરતા પહેલા ડ્રાઇવરને પૂછવું અત્યંત આવશ્યક છે કે તેને તાવ કે શરદી તો નથી ને. 

જો તમે કોઇના ઘરે જઇ રહ્યાં છો અને ત્યાં કોઇ વૃદ્ધ છે તો માસ્ક પહેરીને જ તેમના ઘરે જાઓ. ઘણીવાર લોકો છીંક આવવા પર માસ્કને નીચે કરી લેતા હોય છે, એવું ના કરવું જોઇએ. છીંક આવે તો પણ માસ્કને નીચે ન કરવું જોઇએ. ક્યારેક નાના બાળકોને જોઇને તેમને ચૂમવાની ઇચ્છા થાય છે પરંતુ આવું ના કરવું જોઇએ કારણકે થૂંક દ્વારા પણ આ વાઇરસ ફેલાવાની શક્યતાઓ વધી જાય છે. ઘરે પહોંચીને જૂતા બહાર કાઢી હાથ સેનેટાઇઝ કરીને ઘરમાં જવું અને તરત જ નાહી લેવું જોઇએ. 

ઘણી વખત પૂરતી કાળજી લેવામાં ન આવે તો આ ભયંકર રોગ તમારા પર હાવી થઇ જાય છે.