2022નું વર્ષ શરૂ થયુ છે અને આ સાથે ભારતના ઑટોમોબાઈલ માર્કેટ સાથેના સમાચારની અટકળો શરુ થઇ ગઇ છે. ચાલુ વર્ષે દેશના ઓટોમોબાઈલ માર્કેટ માટે ખૂબ મહત્વપૂર્ણ છે.
ચાલુ વર્ષે રોયલ એનફીલ્ડની મોટી તૈયારી
રોયલ એનફીલ્ડ દેશમાં પાવરફૂલ બાઈક લોન્ચ કરશે
જાણો આ વર્ષે કઈ-કઈ બાઈક લોન્ચ કરશે
નવા વર્ષે રોયલ એનફીલ્ડ પાવરફૂલ બાઈક લોન્ચ કરવા તૈયાર
જેને જોઈને દેશ-વિદેશની મોટી વાહન નિર્માતા કંપનીઓ નવા વાહનોને ભારતમાં લોન્ચ કરી દેશના ઓટોમોબાઈલ માર્કેટની અપાર સંભાવનાઓનો ફાયદો ઉઠાવવા માટે સંપૂર્ણ રીતે તૈયાર છે. જેમાં પ્રખ્યાત બાઈક નિર્માતા કંપની રોયલ એનફીલ્ડનું નામ પણ સામેલ છે. ચાલુ વર્ષે રોયલ એનફીલ્ડ ઘણી નવી અને પાવરફૂલ બાઈક દેશમાં લોન્ચ કરવા માટે તૈયાર છે.
Royal Enfield Scram 411
રોયલ એનફીલ્ડ ચાલુ વર્ષે માર્કેટમાં એક નવી Scram બાઈક લોન્ચ કરવાની છે. આ નવી બાઈક Himalayan પર આધારિત હશે. જેમાં તેની જેમ ડિઝાઈન અને 411 સીસી એન્જિનનો ઉપયોગ કંપનીની તરફથી કરવામાં આવશે. જેનાથી બાઈકને 24.31PS પાવર અને 32Nm ટોર્ક મળશે. આ સાથે આ બાઈકમાં 5-સ્પીડ ગિયરબોક્સ પણ જોવા મળશે.
Royal Enfield Hunter
રોયલ એનફીલ્ડ ચાલુ વર્ષે પોતાના 350 સીસી લાઈનઅપમાં એક નવી બાઈક Hunterને જોડવાની તૈયારીમાં છે. એન્જિન, પાવર, ટોર્ક અને ટ્રાન્સમિશનની વાત કરીએ તો આ બાઈકમાં Meteor 350ની વિશેષતાઓ જોવા મળશે. આ સાથે બાઈકને યુવા વર્ગને ધ્યાનમાં રાખીને રજૂ કરવામાં આવશે.
Royal Enfield 650 CC Cruiser
ચાલુ વર્ષે રૉયલ એનફીલ્ડ માર્કેટમાં એક નવી ક્રૂઝર બાઈક પણ લોન્ચ કરવાની તૈયારીમાં છે. આ નવી ક્રૂઝર બાઈક ગયા વર્ષે ઈટાલીમાં આયોજીત ઑટો શોમાં રજૂ કરવામાં આવી. 650 Twins પર આધારિત હશે. કંપની તરફથી આ બાઈકમાં 650 સીસી એન્જિનનો ઉપયોગ કરવામાં આવશે. આ બાઈકને 47.65PS પાવર અને 52Nm ટોર્ક મળશે. આ સાથે બાઈકમાં 6-સ્પીડ ગિયરબોક્સ પણ જોવા મળશે.
Royal Enfield Shotgun 650
ચાલુ વર્ષે રૉયલ એનફીલ્ડ માર્કેટમાં પોતાની એક નવી Shotgun બાઈકને પણ રજૂ કરવાની છે. આ નવી બાઈક ગયા વર્ષે ઈટાલીમાં આયોજીત ઓટો શોમાં રજૂ કરવામાં આવી. SG650 કોન્સેપ્ટ પર આધારિત હશે. કંપની તરફથી આ બાઈકમાં 650 સીસી એન્જિનનો ઉપયોગ કરવામાં આવશે. એક રિપોર્ટ મુજબ, આ બાઈક Super Meteorનુ બૉબર વર્ઝન હશે.