IPLની 13મી સીઝનની 39મી મેચમાં રોયલ ચેલેન્જર્સ બેંગલોરે કોલકાતા નાઇટ રાઇડર્સને 8 વિકેટથી હરાવ્યું છે. અબુ ધાબીમાં રમાઇ રહેલા આ મેચમાં KKRએ ટૉસ જીતીને પહેલા બેટિંગ કરવાનો નિર્ણય લીધો હતો. KKRની શરૂઆત ખરાબ રહી હતી. પૉવરપ્લેમાં તેમના 4 બેટ્સમેન આઉટ થઇ ગયા. મહત્વનું છે કે, કોલકાતાએ સીઝનનો સૌથી નાનો સ્કોર બનાવ્યો હતો. 20 ઓવરમાં 8 વિકેટના નુકસાને 84 રન બનાવ્યા હતા. RCBએ 2 વિકેટના નુકસાને જ જીત મેળવી લીધી.
લીગના ઇતિહાસમાં 5મી વખત કોઇ ટીમે 3 રનમાં 3 વિકેટ ગુમાવી છે. આ પહેલા 2013માં ચેન્નઇ સુપર કિંગ્સ સાથે એવું થયું હતું. ત્યારે વિપક્ષી ટીમ મુંબઇ ઇન્ડિયન્સ હતી. સૌથી ઓછા 1 રન પર 3 વિકેટ ડેક્કન ચાર્જર્સની પડી હતી. 2009માં આ મેચ ચેન્નઇ સુપર કિંગ્સ સામે થઇ હતી.