- વેસ્ટ ઈન્ડીઝ સામેની વનડે સીરિઝ માટે ટીમ ઈન્ડીયાની જાહેરાત
- કુલદીપ યાદવની ટીમમાં વાપસી થઈ
- રવિ બિશ્નોઈ પહેલી વાર ટીમ ઈન્ડીયામાં સામેલ
વેસ્ટ ઈન્ડિઝ સામે 6 ફેબ્રુઆરીથી શરૂ થઈ રહેલી વન ડે શ્રેણી માટે ટીમ ઈન્ડીયાની જાહેરાત થઈ છે. રવિ બિશ્નોઈને પહેલી વાર ટીમ ઈન્ડીયામાં સ્થાન અપાયું છે. કુલદીપ યાદવની કારકિર્દી છેલ્લા 2-3 વર્ષમાં ઉતાર-ચઢાવથી ભરેલી રહી છે અને ગત વર્ષે તે ઘૂંટણની ઈજા સામે ઝઝૂમી રહ્યો હતો પણ હવે સંપૂર્ણપણે ફિટ ખેલાડીને ફરી ટીમમાં સામેલ કરવામાં આવ્યો છે. કુલદીપ યાદવ ઉપરાંત રવિ બિશ્નોઈને પણ ટી-20 શ્રેણી માટે પ્રથમ વખત ટીમમાં સ્થાન મળ્યું છે.
વનડે ટીમમાં કોને કોને સ્થાન?
ભુવનેશ્વર કુમારને વનડે ટીમમાં જાળવી રખાયો
ભુવનેશ્વર કુમારને વનડે ટીમમાં જાળવી રાખવામાં આવ્યો છે પરંતુ ટી -૨૦ ટીમમાં તેની પસંદગી કરવામાં આવી નથી. બંને ટીમમાં પૂર્વ કેપ્ટન વિરાટ કોહલીને સ્થાન આપવામાં આવ્યું છે. કોહલી અને રવિ શાસ્ત્રીના જમાનામાં કુલદીપને ખાસ પ્રાધાન્ય આપવામાં આવતું નહતું પણ હવે તે ટીમમાં ટ્રમ્પનો એક્કો બની શકે છે.
T20 ટીમમાં કોને કોને સ્થાન?
રોહિતને કુલદીપ પર વિશ્વાસ છે
જણાવી દઈએ કે કુલદીપ યાદવની પસંદગીમાં કેપ્ટન રોહિત શર્માનો મોટો હાથ સંભવ છે. રોહિત હવે કેપ્ટન બની ગયો છે અને તેને કુલદીપની પ્રતિભા પર ઘણો ભરોસો છે. કુલદીપ યાદવનો વન-ડે અને ટી-20નો રેકોર્ડ કમાલનો છે. ડાબોડી બોલરે 65 વન-ડેમાં 107 વિકેટ ઝડપી છે. ટી-20માં પણ કુલદીપે 23 મેચમાં 41 વિકેટ ઝડપી છે.
કોને અપાયો આરામ?
જસપ્રીત બુમરાહ, મોહમ્મદ શમીને શ્રેણીમાંથી આરામ આપવામાં આવ્યો છે. કેએલ રાહુલ બીજી વનડેથી રમશે આર જાડેજા ઘૂંટણની ઈજા બાદ સ્વસ્થ થવાના અંતિમ તબક્કામાંથી પસાર થઈ રહ્યો છે અને તે ODI અને T20I માટે રમેશે નહીં. અક્ષર પટેલ ફક્ત T20I માટે રમશે
રવિ બિશ્નોઈને પ્રથમ વખત ટીમમાં તક મળી
યુવા લેગ સ્પિનર રવિ બિશ્નોઈને પહેલી વખત ટીમ ઈન્ડિયામાં તક મળી છે. અંડર-19 ક્રિકેટમાં શાનદાર પ્રદર્શન બાદ બિશ્નોઈને પંજાબ કિંગ્સે આઈપીએલમાં તક આપી હતી જેમાં તેણે 23 મેચમાં 24 વિકેટ ઝડપી છે. બિશ્નોઈને હાલમાં જ લખનઉની ટીમે 4 કરોડ રૂપિયામાં પોતાની ટીમમાં સામેલ કર્યો છે.
કોને જગ્યા ન મળી?
મીડિયા રિપોર્ટ્સ અનુસાર રવિચંદ્રન અશ્વિન વેસ્ટ ઈન્ડિઝ સીરિઝમાં નહીં રમે. અશ્વિન આગામી દોઢ મહિના સુધી આરામ કરશે. રવિન્દ્ર જાડેજા ચોક્કસ ફિટ છે પરંતુ તેને થોડો વધુ આરામ આપવામાં આવી રહ્યો છે. વિજય હજારે ટ્રોફીમાં શાનદાર પ્રદર્શન કરનારા ઓલરાઉન્ડર ઋષિ ધવનને પણ તક મળી નથી.
વેસ્ટ ઇન્ડીઝનો ભારત પ્રવાસ
વેસ્ટ ઈન્ડિઝ અને ભારત વચ્ચે ત્રણ વન ડેની શ્રેણી અમદાવાદમાં રમાશે. આ મેચો 6, 9 અને 11 ફેબ્રુઆરીએ રમાશે. સાથે જ ટી-20 સીરીઝની ત્રણેય મેચ કોલકાતામાં રમાશે. ટી-20 મેચ 16, 18 અને 20 ફેબ્રુઆરીએ રમાશે.
