જમ્મુ કાશ્મીર / રાજૌરીમાં આતંકીઓને ધૂળ ચટાડનાર રાઈફલમેન નિશાંત મલિક થયા શહિદ, આર્મી ચીફ મનોજ પાંડેએ આપી શ્રદ્ધાંજલિ

• જમ્મૂ કાશ્મીરથી મોટા સમાચાર 
• બે આતંકવાદીઓએ આર્મી કેમ્પ પર હુમલાનો પ્રયાસ કર્યો 
• બંને આતંકવાદીઓ ઠાર, સર્ચ ઓપરેશન શરૂ 
• ચાર વીર સપૂતો દેશ માટે થયા શહીદ 

જમ્મૂ કાશ્મીરમાં રક્ષાબંધનના પાવન પર્વ પર જ આતંકવાદીઓ દેશના વીર જવાનોને મારવાના હેતુથી ઘૂસી આવ્યા હતા પરંતુ વીર સેનાએ આર્મી કેમ્પના ઘૂસી જનાર બંને આતંકવાદીઓનું ઢીમ ઢાળી દીધું છે.

જોકે આ હુમલામાં દેશે આજે ચાર વીર જવાનોને પણ ગુમાવ્યા છે. આમાંથી ત્રણ જવાનો શહીદ થયાના સમાચાર આવ્યા હતા પણ હવે ત્યાર બાદ હવે વધુ એક જવાન રાઈફલમેન નિશાંત મલિક પણ શહિદ થયા છે. 

Indian Army chief Gen Manoj Pande & All Ranks salute the supreme sacrifice of Rifleman Nishant Malik, who laid down his life in the line of duty in Rajouri, #JammuAndKashmir and offer deepest condolences to the bereaved family: Indian Army https://t.co/27EhcDQcVG

— ANI (@ANI) August 11, 2022

બે આતંકવાદીઓ સાફ 
સ્વતંત્રતા દિવસ પહેલા ભારતમાં ઉરી જેવો આત્મઘાતી હુમલો કરવાની તૈયારી હતી. આજે આતંકવાદીઓ રાજૌરીના એક આર્મી કેમ્પમાં ઘૂસી આવ્યા જે બાદ સુરક્ષા જવાનોએ ફાયરિંગ શરૂ કરી દીધી અને બે આતંકી ઠાર થઈ ગયા. નોંધનીય છે કે બે આર્મી જવાનો પણ ઈજાગ્રસ્ત થયા હોવાની માહિતી સામે આવી રહી છે અને સર્ચ ઓપરેશન પણ કરવામાં આવી રહ્યું છે. 

ઉરી ઍટેક જેવો હુમલો કરવાની હતી તૈયારી 
નોંધનીય છે કે વર્ષ 2016માં કાશ્મીરના ઉરીમાં ચાર આતંકવાદીઓએ આર્મી કેમ્પ પર હુમલો કર્યો હતો જેમાં દેશના 19 વીર જવાનો શહીદ થયા હતા. તે બાદ ભારતે પણ બદલાની કાર્યવાહી કરતાં pok માં સર્જીકલ સ્ટ્રાઈક કરી હતી.

2 આતંકવાદીઓને ઠાર કર્યા 

રાઈફલમેન નિશાંત મલિક, જે બહાદુરીથી લડતા અને 2 આતંકવાદીઓને ઠાર મારતા ઘાયલ થયા હતા. જમ્મુ અને કાશ્મીરના રાજૌરીના પરગલમાં તેમની ઇજાગ્રસ્ત હોવાના કારણે મૃત્યુ પામ્યા હતા.

સેનાએ કરી સેલ્યુટ 

ભારતીય સેનાએ કહ્યું કે ભારતીય સેના પ્રમુખ જનરલ મનોજ પાંડે અને તમામ રેન્ક રાઈફલમેન નિશાંત મલિકના સર્વોચ્ચ બલિદાનને સલામ કરે છે, જેમણે જમ્મુ અને કાશ્મીરના રાજૌરીમાં ફરજ અદા કરતાં પોતાનો જીવ આપી દીધો હતો અને શોકગ્રસ્ત પરિવાર પ્રત્યે ઊંડી સંવેદના વ્યક્ત કરી હતી. જમ્મુ-કાશ્મીરના રાજૌરી જિલ્લામાં આર્મી કેમ્પ પર થયેલા હુમલામાં ચાર જવાન શહીદ થયા છે, જ્યારે અન્ય બે ઘાયલ થયા છે.