કામની વાત / શું રિટાયરમેન્ટ પહેલા તમારી ઇચ્છા છે અમીર બનવાની, તો આજથી અપનાવો આ ફોર્મ્યુલા, થઇ જશે કામ

• સેલરીમાંથી કપાતુ પીએફ એક માત્ર બચતનો વિકલ્પ
• સરકારે નાની બચત યોજનામાં ઉપલબ્ધ વ્યાજ દરોમાં વધારો કર્યો છે
• નાની બચત યોજનામાં એક વર્ષમાં ઓછામાં ઓછા રૂ. 500 થી વધુમાં વધુ રૂ. 1,50,000નું રોકાણ કરી શકો છો

Rich before retirement: જો તમે રિટાયર થતા પહેલા અમીર બનવા ઇચ્છો છો તો તમારે જરુરી વાતોનું ધ્યાન રાખવુ પડશે. કારણ કે અત્યારના સમયમાં નોકરીયાત લોકો માટે વધતી મોંઘવારીમાં સેવિંગ કરવુ મુશ્કિલ થયુ છે. નોકરી કરનારા લોકો માટે પૈસા બચાવા એક મોટો ચેલેન્જ છે. કારણ કે સેલેરી આવતા પહેલા જ ખર્ચના રસ્તા ખુલી જાય છે. તેથી તે લોકો પૈસાનું સેવિંગ કરી શકતા નથી. તેવામાં નોકરી દરમિયાન સેલરીમાંથી કપાતુ પીએફ એક માત્ર બચતનો વિકલ્પ રહી જાય છે. 

જો તમે પણ રિટાયર થતા પહેલા પ્લાનિંગ નહીં કરો તો તમારા રિટાયર થયા બાદ ઘણી મુશ્કેલીઓનો સામનો કરવો પડી શકે છે. હકીતતમાં બચત કરવા ઇચ્છો છો તો તમે અમુક સરકારી સ્કિમમાં રોકાણ કરી ને રિટાયરમેન્ટ પહેલા અમીર બની શકે છે. તેની સાથે તમે બાળકોની સારી શિક્ષા માટે ફંડ તૈયાર કરી શકે છે.

જણાવી દઈએ કે, નવા નાણાકીય વર્ષમાં સરકારે નાની બચત યોજનામાં ઉપલબ્ધ વ્યાજ દરોમાં વધારો કર્યો છે. આ નાની બચત યોજનાઓમાં નાણાંનું રોકાણ કરીને, તમે રિટાયર થતાં પહેલાં જ તમારા અમીર બનવાનું સપનુ સરળતાથી પૂર્ણ કરી શકો છો. આ સાથે, તમે આ યોજનાઓમાં રોકાણ કરીને આવકવેરા કાયદાની કલમ 80C હેઠળ 1.5 લાખ રૂપિયા સુધીની ટેક્સ છૂટનો દાવો પણ કરી શકો છો. આ યોજનાઓમાં સૌથી વધુ વ્યાજ મળે છે.

પીપીએફ એકાઉન્ટ
જો તમે પબ્લિક પ્રોવિડન્ટ ફંડ (PPF એકાઉન્ટ)માં પૈસાનું રોકાણ કરો છો, તો તમને આ સ્કીમમાં 7.1 ટકાના દરે વ્યાજ મળશે. આ સ્કીમમાં તમે એક વર્ષમાં ઓછામાં ઓછા રૂ. 500 થી વધુમાં વધુ રૂ. 1,50,000નું રોકાણ કરી શકો છો. આ સ્કીમની સૌથી ખાસ વાત એ છે કે જો તમે ઇચ્છો, તો તમે તેમાં દર મહિને રોકાણ કરી શકો છો અથવા એકસાથે રકમ પણ જમા કરાવી શકો છો. આ યોજનાનો લોક-ઇન સમયગાળો 15 વર્ષનો છે. જો તમે 30 વર્ષની ઉંમરે રોકાણ કરવાનું શરૂ કરો છો, તો તમે 45 વર્ષની ઉંમરે અમીર બની શકો છો.