બોલિવૂડ / 7 મહિના બાદ રિયા ચક્રવર્તીઓ સોશિયલ મીડિયા પર શેર કરી આ ખાસ પોસ્ટ, કહી નાખી દિલની આ વાત

• આજે રિયા ચક્રવર્તીએ શેર કરી પોસ્ટ
• 7 મહિના બાદ સોશિયલ મીડિયા પર કરી વાપસી
• રિયાએ પોસ્ટ શેર કરી કહી આ વાત 

આજે મહિલા દિવસ પર બધાં મહિલાઓને અભિનંદન આપી રહ્યાં છે. સોશિયલ મીડિયા પર 'મહિલા દિવસ'નો બઝ બનેલો છે. બોલિવૂડની અનેક હસ્તીઓ સોશિયલ મીડિયા પર સતત પોસ્ટ કરી રહી છે. આ દરમિયાન, લાંબા સમય સુધી સોશિયલ મીડિયાથી દૂર રહ્યાં બાદ, અભિનેત્રી રિયા ચક્રવર્તી વિમેન્સ ડે પર પરત ફરી છે. તેણે તેની માતા સાથે એક તસવીર શેર કરી અને મહિલા દિવસની શુભેચ્છા પાઠવી છે.

 

 

 

 

View this post on Instagram

 

 

 

 

 

 

 

 

 

 

 

A post shared by Rhea Chakraborty (@rhea_chakraborty)

રિયાએ તેના ઇન્સ્ટાગ્રામ એકાઉન્ટ પર એક ખાસ તસવીર શેર કરી છે. આ તસવીરમાં તે તેની માતાનો હાથ તેના હાથમાં રાખેલો જોવા મળી રહી છે. જોકે આ તસવીરમાં બંનેનો ચહેરો દેખાતો નથી, તેમના હાથ જ દેખાય રહ્યાં છે. તેણે આ તસવીર શેર કરીને લખ્યું- અમને મહિલા દિવસની શુભેચ્છા...માતા અને હું કાયમ સાથે મારી શક્તિ, મારી શ્રદ્ધા, ધીરજ-મારી માતા. રિયાની આ પોસ્ટ પર તેના ફેન્સ અને ઘણાં બોલિવૂડ સેલેબ્સ કમેન્ટ કરી રહ્યાં છે. 

અભિનેતા સુશાંત સિંહ રાજપૂતની મોત બાદ રિયા ચક્રવર્તી પર ઘણાં આરોપો લાગ્યા હતા. વધતા જતા વિરોધ વચ્ચે તે સોશિયલ મીડિયાથી દૂર થઈ ગઈ હતી, તેણે 27 ઓગસ્ટે છેલ્લી પોસ્ટ કરી હતી. જોકે, રિયા હવે સામાન્ય જિંદગીમાં પાછી આવી ચૂકી છે. હાલમાં જ રિયાને ઘણી જગ્યાએ સ્પોટ કરવામાં આવી હતી.

તમને જણાવી દઈએ કે સુશાંત સિંહ રાજપૂત અને રિયા ચક્રવર્તી ડ્રગ્સ કેસમાં એનસીબીની તપાસ સતત ચાલી રહી છે. રિયા ચક્રવર્તીના વકીલે એજન્સી પર આરોપ લગાવ્યો છે કે એનસીબીએ રિયાને ફસાવવાનો પ્રયાસ કર્યો છે અને તેના માટે જોર પર લગાવ્યું છે. તેમણે જણાવ્યું હતું કે 33 આરોપીઓ પાસેથી જે નશીલા પદાર્થો મળી આવ્યા, તે મુંબઇ પોલીસ, નાર્કોટિક્સ કંટ્રોલ બ્યુરો અથવા એરપોર્ટ કસ્ટમ્સ દ્વારા ઝડપાયેલા ડ્રગ્સની તુલનામાં ઘણાં ઓછાં છે. આ દિવસોમાં એનસીબી ફક્ત બોલિવૂડની પાછળ પડી છે.