ગાંધીનગર / VIDEO: સહેજ પણ ખોટું બોલ્યા તો આ નોકરીથી ઘરે જશે, મહેસૂલ મંત્રીએ કચેરીમાં જઈ કર્યુ લાઈવ ચેકિંગ

• મહેસૂલ મંત્રીની ઓચિંતિ મુલાકાત
• ગાંધીનગર કલેક્ટર કચેરીની કરી મુલાકાત
• અરજદારો સાથે કામની વિગતો મેળવી

બોલિવુડની સુપ્રસિદ્ધ ફિલ્મ નાયક તો તમે જોઈ હશે.આ ફિલ્મમાં મુખ્યમંત્રીનો રોલ કરી રહેલા અનિલ કપુર જે રીતે સામાન્ય લોકોના કામ કરે છે તે અદભૂત દ્રશ્ય છે.આ ફિલ્મનો લોકોએ ખુબ વખાણી હતી.હાલ રાજ્યના મહેસૂલ મંત્રી રાજેન્દ્ર ત્રિવેદી પણ કંઈ આવી જ સ્ટાઈલમાં ધડાધડ ઓચિંતી રેડ મહેસુલ ખાતામાં કરી રહ્યા છે. આજે ગાંધીનગર કલેકટર કચેરી પર દરોડો પાડી ત્યાં થતાં કામ અંગે નિરીક્ષણ કર્યું હતું.

નિવૃતિના પાંચ મહિના પછી પણ ઓફિસમાં કામ કરતા હતા કર્મચારી
મહેસૂલ મંત્રી રાજેન્દ્ર ત્રિવેદી ગાંધીનગર કલેક્ટર કચેરી ખાતે અચાનક પહોંચી જતાં અધિકારીઑમાં દોડધામ મચી ગઈ હતી. નિરીક્ષણ દરમિયાન કચેરીમાંથી ખાનગી વ્યક્તિ કામ કરતી ઝડપાઇ હતી.જે બાદ સિનિયર અધિકારી રિટાયર્ડ વ્યક્તિ પાસેથી કામ કરાવતા હોવાનું ખૂલ્યું છે. નિવૃતિના પાંચ મહિના પછી પણ ઓફિસમાં કામ કરતા કર્મચારીને મહેસૂલ મંત્રીએ ઘણા સવાલો કર્યા હતા. 

મળેલી ફરીયાદ બાદ મહેસૂલ મંત્રી સીધા ત્રાટક્યા
અહી ઝડપાયેલા  રિટાયર્ડ વ્યક્તિ વહીવટદાર હોવાની ચર્ચાઑ થઈ રહી હતી. ખાનગી રાહે મહેસૂલ મંત્રીને સમગ્ર બાબતે ફરિયાદ કરવામા આવી હતી. અધિકારીઓ પોતાના વહીવટ માટે તલાટી મંત્રીને રાખ્યા હોવાની માહિતી ત્યાં હાજર સૂત્રો દ્વારા મળી રહી છે. મંત્રી રાજેન્દ્ર ત્રિવેદીના દરોડામાં સરકારી ઓફિસનું સત્ય ઉજાગર થયું છે. અધિકારીના વહીવટદાર તરીકે અન્યોને ભૂમિકા ભજવતા હોવાનો આરોપ લાગી રહ્યો છે. 

નાયક જેવા રોલથી અધિકારીઑમાં ફફડાટ
રાજેન્દ્ર ત્રિવેદી એડવોકેટ હોવાથી કાયદાના સારા જાણકાર છે.તેઓ વિધાનસભાના અધ્યક્ષ પણ રહ્યા છે.અને તેઓ જ્યારથી મંત્રી બન્યા ત્યારથી સતત ઓચિંતી મુલાકાત જેતે કચેરીઓની લઈ રહ્યા છે.તેના કારણે અધિકારીઓ જનતાના કામ પુરજોશથી કરી રહ્યા છે.અધિકારીઓમાં કામ કરવાને લઈ એક ડર જોવા મળી રહ્યો છે.આવી રીતે કામ થાય તો જનતાનો વિશ્વાસ સરકારમાં વધશે.