એલર્ટ / સૌરાષ્ટ્રમાં ભારે વરસાદની આગાહીના પગલે રેવન્યુ કર્મચારીઓની રજાઓ રદ, અધિકારીઓને અપાયા મહત્વના આદેશ

• ગુજરાતમાં 12 જુલાઇ સુધી હળવાથી ભારે વરસાદની આગાહી
• સૌરાષ્ટ્રમાં ભારે વરસાદની આગાહીને પગલે રેવન્યુ કર્મચારીઓની રજાઓ રદ
• અધિકારીઓ અને કર્મચારીઓને હેડ ક્વાર્ટર ન છોડવાનો આદેશ

ગુજરાતમાં સૌરાષ્ટ્રમાં હવામાન વિભાગની ભારે વરસાદની આગાહીના પગલે સૌરાષ્ટ્રમાં રેવન્યુ કર્મચારીઓની રજાઓ રદ કરાઇ છે. અધિકારીઓ અને કર્મચારીઓને હેડ ક્વાર્ટર ન છોડવાનો આદેશ અપાયો છે.

ગુજરાતમાં 12 જુલાઇ સુધી હળવાથી ભારે વરસાદની આગાહી

તમને જણાવી દઇએ કે, ગુજરાતમાં 12 જુલાઇ સુધી હળવાથી ભારે વરસાદની આગાહી કરવામાં આવી છે. સૌરાષ્ટ્ર, ઉત્તર, મધ્ય અને દક્ષિણ ગુજરાતમાં ભારે વરસાદ વરસશે. જ્યારે કચ્છ, જામનગર, દ્વારકામાં ચક્રવાત સાથે ભારે વરસાદ વરસશે.

સૌરાષ્ટ્રમાં ઓરેન્જ એલર્ટ જાહેર, NDRF-SDRFની ટીમ સ્ટેન્ડબાય

બીજી બાજુ રાજ્યમાં સૌરાષ્ટ્રમાં પણ ભારે વરસાદની આગાહીના પગલે તંત્ર એલર્ટ થઇ ગયું છે. શનિવાર સુધી સૌરાષ્ટ્રમાં ઓરેન્જ એલર્ટ અપાયું છે. સૌરાષ્ટ્રમાં ગીર-સોમનાથ, દીવ અને દ્વારકામાં ભારે વરસાદની આગાહી કરવામાં આવી છે. તો પોરબંદર અને રાજકોટમાં પણ અતિભારે વરસાદ વરસે તેવી શક્યતા છે. જેના લીધે NDRF અને SDRFની ટીમ સ્ટેન્ડબાય કરી દેવામાં આવી છે.

7 જુલાઈએ ભાવનગર, સુરત, ભરૂચ, જૂનાગઢ સહિતના વિસ્તારોમાં વરસાદની આગાહી

તમને જણાવી દઇએ કે, હવામાન વિભાગે આજે આગાહી કરતા જણાવ્યું છે કે, 'રાજ્યમાં તારીખ 7 જુલાઈના રોજ ભાવનગર, સુરત, ભરૂચ, જૂનાગઢ, અમરેલી, સોમનાથ, તાપી, નવસારી, ડાંગ અને વલસાડમાં વરસાદની આગાહી વ્યક્ત કરવામાં આવી છે. તો 8 જુલાઈના રોજ નવસારી, દ્વારકા, ડાંગ,પોરંબદર, સુરત, તાપી, ડાંગ, સોમનાથ, રાજકોટ, જામનગર, જૂનાગઢ, કચ્છ, મોરબી, અમરેલી, ભાવનગર, ભરૂચ અને નર્મદામાં વરસાદની આગાહી વ્યક્ત કરવામાં આવી છે.'

9 જુલાઈના રોજ કચ્છ, જામનગર, દ્વારકા, પોરબંદર, રાજકોટમાં વરસાદની આગાહી

જ્યારે તારીખ 9 જુલાઈના રોજ રાજ્યમાં કચ્છ, જામનગર, દ્વારકા, પોરબંદર, રાજકોટ, મોરબી, નવસારી, વલસાડ, ડાંગ, જૂનાગઢ, સુરત અને તાપીમાં વરસાદની આગાહી કરાઇ છે. તો 10 જુલાઈએ દ્વારકા, પોરબંદર, વલસાડ, જૂનાગઢ, મોરબી,રાજકોટ, તાપી, સુરત અને ડાંગમાં વરસાદની આગાહી કરવામાં આવી છે.

12 જુલાઇએ સૌરાષ્ટ્ર અને કચ્છમાં ચક્રવાત સાથે વરસાદ પડશે

રાજ્ય (Gujarat) માં સાબરકાંઠામાં અરવલ્લીમાં ભારે વરસાદની સંભાવના સેવવામાં આવી રહી છે. તારીખ 10 જુલાઇએ મધ્ય ગુજરાતમાં બારેમેઘ ખાંગા થવાની પૂરી સંભાવના છે. તો બીજી બાજુ મધ્ય ગુજરાતના પણ અનેક ભાગમાં ભારે વરસાદ પડશે. 11 જુલાઇએ આખા ગુજરાતમાં ભારેથી અતિ ભારે વરસાદની સંભાવના છે. જ્યારે 12 જુલાઇએ સૌરાષ્ટ્ર અને કચ્છમાં ચક્રવાત સાથે વરસાદ પડશે. તો 11 અને 12 જુલાઇએ ગુજરાતમાં ભારેથી અતિભારે વરસાદ વરસશે.