પોતાની ગર્લફ્રેન્ડના ફોટા વાયરલ કરવા બદલ એક વ્યક્તિને ભારે દંડ ફટકારવામાં આવ્યો છે. ત્યારે કોર્ટે આ વ્યક્તિને વળતર તરીકે 1 કરોડ 30 લાખ ચૂકવવાનો આદેશ આપ્યો હતો.
ગર્લફ્રેન્ડના ફોટા વાયરલ કરવા બદલ એક વ્યક્તિને દંડ ફટકારવામાં આવ્યો
કોર્ટે આ વ્યક્તિને વળતર તરીકે 1 કરોડ 30 લાખ ચૂકવવાનો આદેશ આપ્યો
આ વ્યક્તિએ આવું કૃત્ય 6 છોકરીઓ સાથે કર્યું છે
એક વ્યક્તિએ તેની ભૂતપૂર્વ ગર્લફ્રેન્ડના ઘણા આપત્તિજનક ફોટા અને વીડિયો ઈન્ટરનેટ પર અપલોડ કર્યા છે. આ પછી મામલો કોર્ટેમાં પહોચ્યો હતો. હવે આ કેસમાં વ્યક્તિને લગભગ 1 કરોડ 30 લાખ રૂપિયાનું વળતર ચૂકવવાનું કહેવામાં આવ્યું છે.
આ સમગ્ર મામલો કેનડાનો છે. આરોપીનું નામ દયાલન હીડલ છે. આરોપીએ તેની ભૂતપૂર્વ ગર્લફ્રેન્ડનાં આપત્તિજનક ફોટા તેમજ વિગતો શેર કરી છે. કેસની સુનાવણી કરી રહેલા ન્યાયાધીશે કહ્યું- તેણે તે છોકરી સાથે ખૂબ જ આપત્તિજનક વસ્તુઓ શેર કરી છે.
આ પ્રવૃતિ અતિ નિંદનીય છેઃ કોર્ટ
કોર્ટ ઓફ કિંગની જસ્ટિસ ક્રિસ્ટા જારે કહ્યું- હીડલની આ પ્રવૃતિ અતિ નિંદનીય છે.તે મહિલાને નુકસાન પહોંચાડવા માંગતો હતો. મહિલાએ કોર્ટમાં કહ્યું કે તેને તેના પૂર્વ બોયફ્રેન્ડના કારણે ઘણી ચિંતીત છે. તેણે કહ્યું- હું આખી રાત ઈન્ટરનેટ પર મારી તસ્વીરો શોધતી રહી છું. જેથી હું તેને જાણ કરી શકુ અને તે તસ્વીરો અન્ય લોકો જોવે તે પહેલા તેને ડીલિટ કરાવી શકું.
ફોટા શેર કરવાનો આરોપ સ્વીકાર્યો
વર્ષ 2019માં જ, હીડલે 4 મહિલાની સંમતિ વિના તેનાં ફોટા શેર કરવાનો આરોપ સ્વીકાર્યો હતો. આ કેસમાં તેને દોષિત ઠેરવતા કોર્ટે તેને 18 મહિનાની જેલની સજા ફટકારી હતી.
પરંતુ બાદમાં તેણે જાન્યુઆરી 2015 અને જુલાઈ 2019 વચ્ચે વધુ બે મહિલાઓ સાથે ફરી આ કૃત્ય કર્યું હતું. તે વખતે તેને 9 મહિનાની જેલની સજા ફટકારવામાં આવી હતી. કોર્ટમાં કહ્યું હતું કે હીડલે આ કૃત્ય વધુ પડતો દારૂ પીધા બાદ કર્યું હતું. ત્યારે હિડલનાં વકીલ રોન પીચીએ કોર્ટના નિર્ણય સામે અપીલની દાખલ કરી હતી. પીચેએ કહ્યું- અમુક દંડ કોઈપણ નક્કર પુરાવા વગર લગાવવામાં આવ્યા છે. પીચે કહ્યું કે જો અપીલ નિષ્ફળ જાય, તો હીડેલ નાદારી માટે ફાઇલ કરી શકે છે કારણ કે તમે પથ્થરમાંથી લોહી કાઢી શકતા નથી.