VIDEO / નોકરીમાંથી નિવૃત્ત થઈને આવેલા સૈનિકને ગામ લોકોએ આપી જોરદાર સરપ્રાઈઝ, જોઈને કહેશો સલામ ઈન્ડિયા!

• મધ્યપ્રદેશના નીમચની છે ઘટના 
• રિટાયર્ડ ફૌજી અધિકારીને મળ્યું અનોખું સન્માન 
• ગામલોકોનો પ્રેમ જોઈને અધિકારી થયા ભાવુક  

નિવૃત્ત સૈન્ય અધિકારી વિજય બહાદુરસિંહને લેવા ગામના લોકો બેન્ડ સાથે પહોંચી ગયા હતા અને કાર્પેટની જગ્યાએ હથેળીઓ ફેલાવીને તેમનું સ્વાગત કર્યું હતું. મધ્ય પ્રદેશમાં નીમચ જિલ્લામાં, ગ્રામજનોએ નિવૃત્ત થયેલા સૈન્ય અધિકારીનું જે રીતે સ્વાગત કર્યું તે જોઈને કોઈ પણ આ ગાંવાસીઓને સલામ કરશે. ગામલોકોનો પ્રેમ અને આદર જોઈને નિવૃત્ત સૈન્ય અધિકારી ભાવુક થઈ ગયા હતા. ગામમાં તેના સ્વાગત માટે ઢોલની વ્યવસ્થા કરવામાં આવી હતી.

Madhya Pradesh: Locals in Neemuch welcome soldier who returned home after retirement, by laying out their palms for him to walk on

"I've served in the army for 17 years. Today is a very proud moment for me by the gesture shown by the people. I'm humbled," says Naik Vijay B Singh pic.twitter.com/TsjFU0M6vU

— ANI (@ANI) February 4, 2021

ગામમાંથી 60 લોકો કરી રહ્યા છે સેનામાં નોકરી 

મહત્વનું છે કે નીમચ જિલ્લાના જીરન ગામમાંથી 60 લોકો સેનામાં નોકરી કરી રહ્યા છે. જ્યારે આ સૈનિકોમાંથી એક, વિજય બહાદુરસિંહે તેની 17 વર્ષની સૈન્યની નોકરીથી નિવૃત્ત થઈને,ગામડે પહોંચ્યા હતા ત્યારે ગામલોકોએ તેમને ભવ્ય સત્કાર કરીને ચોંકાવી દીધા હતા, ગામડાના પ્રાચીન મંદિરમાં આ અધિકારીએ દર્શન કરવા જવાનો કાર્યક્રમ હતો. 

ગામના લોકોએ કાર્પેટની જગ્યાએ હથેળીઓ ફેલાવીને કર્યું સ્વાગત 

તેમના માટે, ગ્રામજનોએ કાર્પેટને બદલે તેમની હથેળીઓ જમીન પર ફેલાવી હતી, જેના પર ચાલીને અધિકારી પ્રાચીન ગણેશ મંદિરે પહોંચ્યા. ગામલોકોએ પણ સરઘસ કાઢીને નિવૃત્ત સૈન્ય અધિકારીનું ભવ્ય સ્વાગત કર્યું છે.મહત્વનું છે કે મધ્ય પ્રદેશના મુખ્યમંત્રી શિવરાજ સિંહ ચૌહાણે પણ આ ઘટનાનો વિડીયો ટ્વિટ કરીને ગામલોકોની પ્રશંસા કરી હતી. 

वन्दे मातरम्! 🙏🏽 https://t.co/Qr7iancKPx

— Shivraj Singh Chouhan (@ChouhanShivraj) February 5, 2021

વિવિધ સ્થળોએ ફરજ બજાવી હતી 

નીમચ જિલ્લાના જીરણ ગામના વિજય બહાદુરસિંઘ દેશના જુદા જુદા રાજ્યોમાં ફરજ બજાવતી વખતે 17 વર્ષની નોકરી પૂર્ણ કર્યા પછી ગામમાં પાછો ફર્યા છે. પોતાના ગામલોકોનો પ્રેમ જોઇને સૈન્ય વિજય બહાદુરસિંહે કહ્યું હતું કે હવે તે રિટાયર્ડ થઈને ગામના યુવાનોને પ્રશિક્ષણ આપશે, જેનાથી તેઓ સેનામાં જઈ શકે, જેથી કરીને ભવિષ્યમાં જ્યારે તેઓ રિટાયર્ડ થાય ત્યારે તેમને પણ આવું જ સન્માન મળે. 

દીકરાનું સ્વાગત જોઈને છાતી ફૂલી ગઈ 

આ નિવૃત્ત ફૌજી અધિકારીના પિતા લાલસિંહે કહ્યું કે તેમના પુત્રને આજે મળેલ સ્વાગતને જોઇને તેની છાતી ગર્વથી પહોળી થઈ ગઈ છે, તેઓ ઇચ્છે છે કે ગામના વધુને વધુ યુવાનો સેનામાં જોડાય. ગામ વાળાઓએ તેમના દીકરાનું જે સ્વાગત કર્યું છે તેમનાય માટે તમાંનો આભાર માનું છું.