ઈંગ્લેન્ડના વૈજ્ઞાનિકોએ તૈયાર કરેલ એલ્ગોરીધમ પરથી એવું સાબિત થયું છે કે આપણી આંખની રેટિનાને જોઇને આપણને થવાવાળી બીમારિઓ, ઉંમર તથા મૃત્યુનો સમય પણ જાણી શકાય છે.
ઇંગ્લેન્ડના વૈજ્ઞાનિકોએ તૈયાર કર્યું જબરું મશીન
પરીક્ષણમાં મળ્યાં પોઝીટીવ પરિણામો
આંખોની રેટિનાની આપે છે સ્વાસ્થ્ય તથા મૃત્યુની જાણકારી
ઇંગ્લેન્ડના વૈજ્ઞાનિકો દ્વારા તૈયાર કરાયું મશીન
કોઈ માણસની આંખમાં જોઇને તેની સાચી બાયોલોજીકલ ઉંમરની ઓળખ કરી શકાય છે. સાથે જ એ પણ ખબર પડી શકે છે કે ભવિષ્યમાં વ્યક્તિની તબિયત કેવી રહેવાની છે. અસલમાં, ઈંગ્લેન્ડમાં વૈજ્ઞાનિકોએ મશીન લર્નિંગના માધ્યમથી એક એવું એલ્ગોરીધમ તૈયાર કર્યું છે , જે માત્ર આપની આંખોની રેટિનાને સ્કેન કરીને કઈ કહી દેશે કે આપનું મૃત્યુ કેટલા દિવસ, મહિનાઓ કે વર્ષોમાં થવાનું છે.
પરીક્ષણના પરિણામો
યુનાઈટેડ કિંગડમમાં સાડા ત્રણ વર્ષની અંદર 47,000 લોકો પર આ એલ્ગોરીધમનું સફળ પરીક્ષણ થયેલ છે જે કા તો આધેડ અથવા તો વૃદ્ધ હતા. એમની આંખોની જાંચ આ એલ્ગોરીધમના માધ્યમથી કરવામાં આવી હતી તેમાંથી 1871 લોકોનું મૃત્યુ થઇ ગયું છે તે પણ એલ્ગોરીધમ અનુસાર બતાવવામાં આવેલા સમયે. કેમકે તેમની આંખોની રેટીના તેમની અસલ ઉમરની તુલનામાં વધારે વૃદ્ધ હતી. આ વાત તો સાચી છે કે જયારે આપણી ઉંમર ઢળવા લાગે છે ત્યારે આપણા શરીરમાં ઘણાં પ્રકારના બદલાવો જોવા મળે છે. દરેક અંગ પર અસર પડે છે. પરંતુ તેનો અર્થ એ નથી કે જો બે વ્યક્તિ એક જ ઉંમરના છે તો બંનેના શરીર પર ઢળતી ઉંમરની એકસરખી અસર જોવા મળશે. વૈજ્ઞાનિકોએ કહ્યું કે આ પ્રયોગ હજુ ચાલી રહ્યો છે. પરંતુ જેટલા લોકો પર કરવામાં આવ્યો તેમાંથી ઘણાં લોકો પર કરાયેલ ભવિષ્યવાણી સાચી નીકળી.
રેટિનાની મદદથી મળતી જાણકારીઓ
આ પ્રયોગથી એક વાત તો સાફ થાય છે કે આંખોની રેટિના વધતી ઉંમરની સાથે ડેમેજ થવા લાગે છે. તે આપણી વધતી ઉંમરને લઈને અત્યંત સંવેદનશીલ હોય છે. કેમકે રેટિના જ એક એવું અંગ છે, જ્યાં લોહીની નળીઓ તથા નસો એક સાથે દેખાય છે. જેને જોવું સરળ હોય છે. એ માણસના વસ્કુલર તથા મગજના સ્વાસ્થ્યની સાચી જાણકારી આપે છે. આ પહેલા પણ ઘણી સ્ટડીઝ એવી થઇ ચુકી છે, જેમાં બતાવવામાં આવ્યું છે કે રેટિનાની કોશિકાઓ આપણા શરીરમાં થવાવાળી કાર્ડિયોવસ્કુલર બીમારિઓ એટલે કે હાર્ટ સંબંધી બીમારીઓ, કિડની સંબંધી બીમારિઓ તથા વધતી ઉંમરની જાણકારી દઈ શકે છે. પરંતુ આ પહેલી એવી સ્ટડી છે જેમાં રેટિનલ એજ ગેપની જાણકારી મળે છે જે આપણા મૃત્યુની ભવિષ્યવાણી સટીકતાથી કરે છે. સાથે જ એ પણ બતાવે છે કે કઈ જાતની બીમારિઓ આપણને ભવિષ્યમાં થઇ શકે છે. વૈજ્ઞાનિકોએ આ સ્ટડીથી એ વસ્તુ સ્પષ્ટ કરી છે કે રેટિનાનો આપણી ઉંમર સાથે સીધો સંબંધ છે. તે ઉંમર સાથે થઇ રહેલ શારીરિક નુકસાનની સાચી જાણકારી આપે છે.