જોવા જેવુ / આ ગુજરાતીને સૂજ્યો ગજબ આઇડિયા, બેંગલોરથી પ્લેન ખરીદીને એમાં બનાવ્યું રેસ્ટોરન્ટ, જોઈને કહેશો જોરદાર બાકી!

• વડોદરામાં એક અલગ જ પ્રકારની રેસ્ટોરન્ટ
• પ્લેનમાં બનાવ્યું રેસ્ટોરેન્ટ 
• 102 લોકો એકસાથે બેસીને ભોજનનો આનંદ માણી શકે

ગુજરાતનાં વડોદરામાં એક અલગ જ પ્રકારની રેસ્ટોરન્ટ છે જે જોઈને તમને થઈ જશે કે વાહ! કયા સીન હૈ! 

દોસ્તો માણસનું દિમાગ એવું વિચિત્ર છે કે તે રોજ કોઈ અજબ ગજબ આઇડીયાઓ લઈ આવતું હોય છે. આવો જ એક અજબ ગજબ આઇડિયા આવ્યો ગુજરાતનાં વડોદરા જિલ્લાના એમડી મુખીને. તેઓને શું સુજયું કે તેઓ બેંગલોરથી એક જૂનું પુરાણું પ્લેન લઈ આવ્યા. આ પ્લેન એરંબસ 320 પ્રકારનું છે અને તેના દરેક હિસ્સાને વડોદરા લાવવામાં આવ્યો. 

પ્લેનમાં બનાવ્યું રેસ્ટોરેન્ટ 
રેસ્ટોરન્ટનાં માલિક એમડી મુખી કહ્યું હતું કે તેઓ એરબસ 320 ખરીદીને તેમાં રેસ્ટોરન્ટ બનાવવા માંગતા હતા. જેથી લોકોને પ્લેનમાં બેસીને ખાવાનો અહેસાસ થઈ શકે. નરેન્દ્ર મોદીનાં સપના એવા પર્યટન વિભાગ ક્ષેત્રે પ્રગતિ થઈ શકે તે માટે તેવન પ્રોત્સાહન મળ્યું હતું અને કૈંક અલગ કરવાની પ્રેરણા મળી હતી. અહીં આવીને લોકો જમીન પર રહીને પણ હવામાં ખાવાનું સપનું સાકર કરી શકે છે. 

અહીં 102 લોકો એકસાથે બેસીને ભોજનનો આનંદ માણી શકે છે. ફ્લાઇટની જેમ અહીં પણ વેઇટરને બોલાવવા માટે વિમાનની અંદર સેન્સર્સ રાખવામાં આવ્યા છે. 

પ્લેનની જેમ જ બધુ થાય છે. 
આ રેસ્ટોરન્ટમાં વિમાનની જેમ જ બધી અનાઉન્સમેન્ટ્સ પણ થાય છે. વેઇટર અને સર્વર એર હૉસ્ટેસ જેવા જ લાગે છે. 

આ રેસ્ટોરન્ટમાં 102 લોકોને બેસવાની ક્ષમતા છે અને આરામદાયક ખુરશી સહિત ટેબલ્સ પણ લગાવવામાં આવ્યા છે. અહીં વિમાનમાં યાત્રા કર્યા જેવો જ અનુભવ મળે છે. 

દુનિયાનું નવમું આવું રેસ્ટોરન્ટ 
એરક્રાફ્ટની થીમ વાળું આ દુનિયાનું નવમું રેસ્ટોરન્ટ છે જે ભારતમાં ચોથું છે અને જેને સ્ક્રેપ વિમાનનો ઉપયોગ કરીને બનાવવામાં આવ્યું છે. 

આવી છે વાનગીઓ 
અહીં તમારી પાસે ભોજનના અનેક વિકલ્પો ઉપલબ્ધ છે જેમ કે ચાઇનીઝ, મેક્સીકન, કોંટિનેંટલ અને થાઈ જેવા અનેક ઓપ્શન્સમાંથી તમે તમારું ગમતું ફૂડ ખાઈ શકો છો. 

હાલ તો આ રેસ્ટોરન્ટ વડોદરા વાસીઓમાં મોટું આકર્ષણનું કેન્દ્ર બની ગયું છે.