ફેસ્ટિવ સીઝનની શરૂઆત થઈ ગઈ છે, ત્યારે Renaultએ તેની કાર પર ઓફર્સની શરૂઆત કરી દીધી છે. તમને જણાવી દઈએ કે, કંપની રેનો ક્વિડ પર ભારે ડિસ્કાઉન્ટ આપી રહી છે. ક્વિડની એન્ટ્રી લેવલની કાર ખૂબ જ ઓછી કિંમતમાં અવેલેબલ છે. સાથે જ તે ભારતમાં ખૂબ જ પોપ્યુલર છે અને તેની ખૂબ જ ડિમાન્ડ છે. એવામાં આ કાર પર મળતી ઓફર વિશે જાણી લો.
ફેસ્ટિવ સીઝનમાં રેનોની કાર પર મળી રહી છે જોરદાર ઓફર
ભારતમાં ખૂબ જ પોપ્યુલર છે આ કાર
ક્વિડ પર મળી રહ્યું છે ભારે ડિસ્કાઉન્ટ
એન્જિન અને પાવર
રેનો ક્વિડમાં બે એન્જિન ઓપ્શન ઉપલબ્ધ છે. જેમાં પહેલું 0.8 લિટરનું 3 સિલિન્ડર પેટ્રોલ એન્જિન છે જે 54 એચપી મહત્તમ પાવર અને 72 ન્યુટન મીટરનો પીક ટોર્ક જનરેટ કરે છે. બીજા એન્જિનની વાત કરીએ તો તેમાં 1.0-લિટરના 3 સિલિન્ડર પેટ્રોલ એન્જિન છે જે 68 એચપીની મહત્તમ પાવર અને 91 ન્યૂટન મીટરનું પીક ટોર્ક જનરેટ કરે છે. ખાસ વાત એ છે કે બંને એન્જિન મેન્યુઅલ અને ઓટોમેટિક ટ્રાન્સમિશનથી સજ્જ છે.
ફીચર્સ
ક્વિડ સેફ્ટી માટે એન્ટિ-લોક બ્રેકિંગ સિસ્ટમ, ઇલેક્ટ્રોનિક બ્રેક ફોર્સ ડિસ્ટ્રીબ્યૂશન, સીટ બેલ્ટ રિમાઇન્ડર, સ્પીડ એલર્ટ સિસ્ટમ સાથે ડ્રાઇવર એર બેગ જેવી સ્ટાન્ડર્ડ સેફ્ટી સુવિધાઓ પ્રદાન કરે છે. કારના ટોપ વેરિએન્ટની વાત કરીએ તો તેમાં તમને રીયર પાર્કિંગ કેમેરા, 8 ઇંચની ટચ સ્ક્રીન ઇન્ફોટેનમેન્ટ સિસ્ટમ આપવામાં આવી છે, જે એન્ડ્રોઇડ ઓટો અને એપલ કારપ્લેને સપોર્ટ કરે છે.
ઓફર અને કિંમત
આ કાર પર 40,000 રૂપિયાનું બમ્પર ડિસ્કાઉન્ટ મળી રહ્યું છે. આ ડિસ્કાઉન્ટ 9,000 રૂપિયાની સ્પેશિયલ ડિસ્કાઉન્ટ રૂરલ કસ્ટમર્સને મળશે તેમજ 3.99 ટકાના વ્યાજદરનો લાભ પણ ગ્રાહકોને આપવામાં આવશે. આ કાર 2.99 લાખ રૂપિયા (એક્સ શોરૂમ)ની કિંમતે ઉપલબ્ધ છે.