રાહત / નવરાત્રીમાં ભારતમાં કોરોના સામે રાહત, સતત છઠ્ઠા દિવસે 20 હજારથી ઓછા કેસ, જાણો શું છે પરિસ્થિતિ

• કોરોનાને પરાસ્ત કરનારા દર્દીઓની ટકાવારી 98.07 ટકા પર પહોંચી 
• દેશમાં હાલ કુલ કેસોમાંથી માત્ર 0.61 ટકા સારવાર હેઠળ  
• સાપ્તાહિક સંક્રમણનો દર 111 દિવસની સૌથી નીચી સપાટીએ 

કોરોનાને પરાસ્ત કરનારા દર્દીઓની ટકાવારી 98.07 ટકા પર પહોંચી  

હાલ સમગ્ર દેશમાં કોરોના સંક્રમણમાં રાહતનો દૌર ચાલી રહ્યો છે. સમગ્ર દેશમાં એક દિવસમાં કોરોનાના 18 હજાર 987 નવા કેસ નોંધાયા છે. સતત છઠ્ઠા દિવસે કોરોનાના 20 હજારથી  ઓછા કેસ નોધાયા છે. બીજી બાજુ કોરોનાને હરાવીને સ્વસ્થય થઈ ઘરે પરત ફરનારા દર્દીઓની ટકાવારી  98.07 ટકા સુધી પહોંચી ગયો છે.  

દેશમાં હાલ કુલ કેસોમાંથી માત્ર 0.61 ટકા સારવાર હેઠળ  

છેલ્લા 24 કલાકમાં કોરોનાના 19 હજાર 808 દર્દીઓ સાજા થયા છે.  આ પછી કોરોનામાંથી સાજા થનારાઓના કુલ આંક 3 કરોડ 33 લાખ 62 હજાર 709 પર પહોંચી જવા પામ્યો છે. તે જ સમયે સક્રિય કેસ હવે કુલ કેસોના એક ટકા પણ નથી રહ્યાં. સમગ્ર દેશમાં કોરોના સક્રીય કેસ માર્ચ 2020 પછીના સૌથી નીચા સ્તરે છે. દેશમાં કુલ કોરોના કેસમાંથી માત્ર 0.61 ટકા સારવાર હેઠળ છે. 

સાપ્તાહિક સંક્રમણનો દર 111 દિવસની સૌથી નીચી સપાટીએ 

બીજી બાજુ સક્રિય દર્દીઓની સંખ્યા હવે ઘટીને માત્ર 2 લાખ 6 હજાર 586 થઈ ગઈ છે. છેલ્લા 215 દિવસોમાં આ સૌથી ઓછું છે. સાપ્તાહિક સંક્રમણનો દર 111 દિવસની નીચી સપાટીએ છે. અને હવે 1.44 ટકા છે.