રિલાયન્સ જિયોએ એરટેલને ટક્કર આપવા માટે હાલમાં જ એક નવી સર્વિસ શરૂ કરી છે. એરટેલ લાઈ-ફાઈ કોલિંગ (Airtel Wi-Fi Calling) પછી હવે રિલાયન્સ જિયોએ તેની VoWi-Fi (વોઈસ ઓવર વાઈ-ફાઈ) સર્વિસ શરૂ કરી દીધી છે. એરટેલએ હાલ વાઈ-ફાઈ કોલિંગ સર્વિસ દિલ્હી, આંધ્રપ્રદેશ, કર્ણાટક, તમિલનાડુ, મુંબઈ અને કોલકાતામાં શરૂ કરવાની જાહેરાત કરી છે. જ્યારે બીજી બાજુ જિયોએ તેની VoWi-Fi સર્વિસને હાલ ત્રણ જ ટેલિકોમ સર્કલમાં ઉપલબ્ધ કરાવી છે.
રિલાયન્સ જિયોએ શરૂ કરી આ સર્વિસ
જિયોએ VoWi-Fi સર્વિસ શરૂ કરી
જિયોએ VoWi-Fi સર્વિસને લોન્ચિંગની ઓફિશિયલ જાહેરાત કરી નથી
તમને જણાવી દઈએ કે રિલાયન્સ જિયોની આ સર્વિસ હાલ કેરળ, મહારાષ્ટ્ર અને કોલકાતામાં શરૂ કરવામાં આવી છે. એક રિપોર્ટ મુજબ રિલાયન્સ જિયોએ ભારતમાં VoWi-Fi સર્વિસને લોન્ચ કરવાને લઈને અત્યાર સુધી કોઈ જ ઓફિશિયલ જાહેરાત કરી નથી, પરંતુ ઘણાં જિયો યુઝર્સે તેમના સ્માર્ટફોનમાં જિયો વાઈ-ફાઈ ઉપલબ્ધ હોવાનું નોટિસ કર્યું છે.
VoWi-Fi ઈનેબલ ડિવાઈસ આ સર્વિસને સપોર્ટ કરશે
એરટેલ વાઈ-ફાઈ કોલિંગ સર્વિસ માત્ર એરટેલ બ્રોડબેન્ડ પર જ ઉપલબ્ધ છે, પરંતુ રિલાયન્સ જિયો VoWi-Fi સર્વિસની એક સારી વાત એ છે કે, તે કોઈપણ બ્રોડબેન્ડ ઓપરેટર સાથે કામ કરે છે. રિપોર્ટમાં જિયો VoWi-Fi સપોર્ટ ડિવાઈસનો પણ ઉલ્લેખ કરવામાં આવ્યો છે. એવું કહેવાય છે કે, VoWi-Fi ઈનેબલ ડિવાઈસ આ સર્વિસને સપોર્ટ કરશે. રિપોર્ટ મુજબ, આઈઓએસ 13.3 અને અપર વર્ઝન સપોર્ટ કરનાર Apple iPhoneની સાથે સેમસંગના Galaxy M30s, Galaxy M30 Galaxy M20 સ્માર્ટફોન પણ આ સર્વિસને સપોર્ટ કરશે.