નુકસાન / દેશની આ IT કંપનીએ મુકેશ અંબાણીની રિલાયન્સ કંપનીને પછાડી, જાણો કેટલું થયું નુકસાન

• દેશની ટોપ ટેન કંપનીઓના માર્કેટ કેપમાં થયું ભારે નુકસાન
• રિલાયન્સમાં 39,355.06 કરોડ રુપિયાનું સૌથી વધારે નુકસાન
• ફંફોસિસને 8,540.12 કરોડ રૂપિયાનો ફાયદો

ટોચની કંપનીઓને થયું આટલું નુકસાન

બોમ્બે સ્ટોક એક્સચેંજનો પ્રમુખ સેન્સેક્સની ટોચની દસ કંપનીઓમાં 6 કંપનીઓના માર્કેટ કેપમાં ગત અઠવાડીયે 1,02,779.4 કરોડ રૂપિયાનો ઘટાડો જોવા મળ્યો છે. સૌથી વધારે નુકસાન રિલાયન્સ ઇન્ડસ્ટ્રીઝને થયું છે. ગત અઠવાડિયે પ્રમુખ સૂચકાંક સેન્સેક્સ 526.51 પોઇન્ટ એટલે કે 1.29 ટકા ઘટાડો નોંધાયો. 

રિલાયન્સ ઇન્ડસ્ટ્રીઝને સૌથી વધારે નુકસાન

ગત અઠવાડિયે રિલાયન્સ ઇન્ડસ્ટ્રીઝના શેરોમાં ભારે ઘટાડાના કારણે માર્કેટ કેપમાં 39,355.06 કરોડ રૂપિયાનું નુકસાન થયું છે. ત્યારબાદ કંપનીનું માર્કેટ કેપ 14,71,081.28 કરોડ રૂપિયા થઇ ગયું છે. જો કંપનીના શેરની વાત કરીએ તો અંતિમ કારોબારી દિવસે કંપનીનો શેર 2175.50 રૂપિયા પર બંધ થયો હતો અને કંપનીના શેરમાં 1.36 ટકાનો ઘટાડો જોવા મળ્યો હતો. ગત અઠવાડિયે કંપનીના શેરમાં 58.20 રૂપિયા ઘટાડો થયો. 

દેશની ટોપ કંપનીઓના માર્કેટ કેપમાં મોટો ઘટાડો (નુકસાન કરોડ રુપિયામાં)

• રિલાયન્સ ઇન્ડસ્ટ્રીઝ - 39,355.06 
• ટીસીએસ - 19,681.25
• એચડીએફસી બેંક - 19,097.85
• ભારતી એરટેલ - 12,875.11
• એચસીએલ ટેક્નોલોજી - 7,842.49
• આઇસીઆઇસીઆઇ બેંક - 3,927.64

દેશની ટોપ કંપનીઓના માર્કેટ કેપમાં તેજી (કરોડો રૂપિયામાં તેજી)

• ઇન્ફોસિસ - 8,540.12
• કોટક મહિંદ્રા બેંક - 3,290.64
• હિંદુસ્તાન યૂનિલીવર - 2,795.97
• એચડીએફસી - 502.83

ઇન્ફોસિસના માર્કેટ કેપમાં તેજી

જ્યારે બીજી તરફ ચાર કંપનીઓ એવી પણ રહી જેના માર્કેટ કેપમાં ભારે ઉછાળો જોવા મળ્યો. જેમાં સૌથી વધારે ફાયદો ઇન્ફોસિસના માર્કેટ કેપમાં 8,540.12 કરોડ રૂપિયાનો નફો જોવા મળ્યો. જેના પછી કંપનીનું માર્કેટ વધીને 4,80,291.25 કરોડ રૂપિયા થઇ ગયું.