સફળતા / રિલાયન્સ ઈન્ડ્રસ્ટ્રીની વધુ એક સફળતા, 210 અરબ ડોલરના માર્કેટ કેપ સાથે બની દુનિયાની 40મી સૌથી મૂલ્યવાન કંપની

• રિલાયન્સ ઈન્ડસ્ટ્રીઝને મળી વધુ એક સફળતા
• દુનિયાની 40મી સૌથી મૂલ્યવાન ભારતીય કંપની બની
• 210 અરબ ડોલરના માર્કેટ કેપ સાથે મેળવી સફળતા

ઈન્ટ્રા ડે પર ગુરુવારે આવો રહ્યો કારોબાર

રિલાયન્સ ઈન્ડસ્ટ્રીનો શેર એનએસઈ ઈન્ટ્રા ડે પર ગુરુવારે 2344.95 રૂપિયાના રેકોર્ડ સ્તરે પહોંચ્યો હતો અને કારોબારના અંતમાં 7.29 ટકાના વધારા સાથે 2319 રૂપિયા પર બંધ થયો હતો. NSE પર ReliancePP ના શેરમાં 10 ટકાની અપર સર્કિટ વાગી અને તે 1393.07 રૂપિયાના ઓલટાઈમ હાઈ પર બંધ થયો. તેનાથી ઈન્ટ્રા ડેમાં કંપનીનું માર્કેટ કેપ 15.45 લાખ કરોડ રૂપિયા એટલે કે 210 અરબ ડોલરના સ્તરે પહોંચ્યું હતું. 

આવી રહી બજારમાં કંપનીની સ્થિતિ

બજાર બંધ થવાના સમયે રિલાયન્સ ઈન્ડસ્ટ્રીઝ લિમિટેડનું માર્કેટ કેપ 208.3 અરબ ડોલર હતું. માર્કેટ એનાલિસ્ટના આધારે પહેલી વાર બન્યું છે કે કોઈ ભારતીય કંપનીએ 200 અરબ ડોલરના માર્કેટ કેપને પાર કર્યું છે. આ સાથે જ અત્યારે દુનિયાની 40મી સૌથી મૂલ્યવાન કંપની બની છે અને Exxon Mobil, પેપ્સિકો, SAP, Oracle, Pfizer અને Novartis જેવી કંપનીઓથી આગળ છે. 

ReliancePP કે પાર્ટલી પેડ અપ શેરોએ ફક્ત 3 મહિનામાં 4.4 ગણાથી વધારેની છલાંગ લગાવી છે. આ ઈશ્યૂ 4 જૂન 2020એ બંધ થયો હતો અને રોકાણકારોને દરેક પાર્ટલી પેડ અપ શેર માટે 314.25 રૂપિયાનું રોકાણ કરવું પડ્યું. 19 જૂન 2020એ રિલાયન્સે 150 અરબ ડોલરના માર્કેટ કેપને પાર કર્યું હતું અને તેના 60 દિવસથી ઓછા સમયમાં ઈન્વેસ્ટર વેલ્યૂમાં 60 અરબ ડોલરનો વધારો કરાયો છે.