હુરુન રિચ લિસ્ટ / વિશ્વના સૌથી ધનિક દેશોના લિસ્ટમાં ભારત ત્રીજા ક્રમાંકે, Top 10 અબજોપતિઓમાં એકમાત્ર ગુજરાતી

• દેશના અબજોપતિઓમાં નવા 16 ચહેરાઓ સામેલ
• અમીરોના વસવાટની દ્રષ્ટિએ મુંબઈ ભારતમાં ટોપ પર
• Top 10 અબજોપતિઓમાં એકમાત્ર ગુજરાતી

મોટા બજાર અને ભરોસાપાત્ર રોકાણકારોના જોરે 2023માં ભારતમાં 16 નવા અરબપતિ ઉભા થયા. દુનિયા તરફ જોઈએ તો આ દરમિયાન અરબપતિઓની સંખ્યામાં 8 ટકાનો ઘટાડો આવ્યો છે. હારૂન રિચ લિસ્ટ 2023માં સામેલ ભારતના 16 નવા ચેહરામાં રેખા ઝુનઝુનવાલા ટોપ પર છે. તો ટોપ 10 અબજોપતિઓમાં એકમાત્ર ગુજરાતી છે, મુકેશ અંબાણી ગ્લોબલ રેન્કમાં 9માં નંબર પર છે.

હારૂન ગ્લોબલ રિચ લિસ્ટમાં ભારત નવા અરબપતિ પૈદા કરવાના મામલે ત્રીજા સ્થાને રહ્યું છે. આ દરમિયાન દુનિયાભરમાં કુલ 176 અરબપતિ પૈદા થયા. એ પણ 18 દેશોના 99 શહેરોથી સંબંધ ધરાવે છે. તેમાં ભારતના પણ 16 અરબપતિ સામેલ છે. સ્ટોક માર્કેટ ટાઈકુન રહેલા રાકેશ ઝુનઝુનવાલાના પત્ની રેખા ઝુનઝુનવાલા આ યાદીમાં ટોપ પર છે. એટલે નવા સામેલ થનારા અરબપતિઓની યાદીમાં તેમની સંપત્તિ સૌથી વધુ છે. રાકેશ ઝુનઝુનવાલાને ભારતીય શેરબજારના વોરેન બફે કહેવામાં આવતા.

5 વર્ષમાં 30 લાખ કરોડ રૂપિયા કમાયા
ભારતીય અબજોપતીની મૂડી ગત 5 વર્ષમાં ઘણી વધી ગઈ છે. આ દરમિયાન ભારતના તમામ અબજોપતિઓને મિલાવીને 360 અરબ ડોલર એટલે અંદાજિત 30 લાખ કરોડ રૂપિયા કમાયા છે. હારૂનનો રિપોપર્ટ દાવો કરે છે કે, આ હોંગકોંગની GDP જેટલી મૂડી છે. રિપોર્ટમાં એ પણ જણાવાયું છે કે, ગત 5 વર્ષમાં સ્થાનિક અબજોપતિઓની સંખ્યા ઈમિગ્રેન્ટથી ઘણી વધી છે. તેનો મતલબ થયો કે નાના-નાના શહેરોથી નવા-નવા આઈડિયાઝ અને  સ્ટાર્ટઅપ્સ બિઝનેસના ક્ષેત્રમાં પાયો નાખી રહ્યા છે અને અરબોની કંપનીઓ ઉભી થઈ રહી છે.

દુનિયામાં ઘટી ગઈ સંખ્યા
ગ્લોબલ લેવલ પર જોઈએ તો અરબપતિઓની સંખ્યામાં મોટો ઘટાડો જોવા મળી રહ્યો છે. હારૂને વર્ષ 2022ની યાદીમાં દુનિયાભરમાં 3384 અરબપતિ હતા, જે 2023ની યાદીમાં ઘટીને 3112 રહી ગયા છે. આ અંદાજિત 8 ટકા ઘટાડો છે. આ તમામ અરબપતિ દુનિયાના 69 દેશોના છે અને 2356 કંપનીઓના માલિક છે.