સુખડીનું નામ આવે એટલે સૌથી પહેલાં મહુડીની સુખડી યાદ આવે. સુખડી સ્વાદની સાથે-સાથે હેલ્થ માટે પણ બહુ ઉપયોગી છે. સુખડીમાં ઉપયોગમાં લેવાતા ગોળમાં આયર્ન ભરપૂર હોય છે, જે શરીરમાં હિમોગ્લોબીન વધારે છે. સાથે-સાથે વાળ અને સ્કિનને પણ હેલ્ધી રાખે છે.
સુખડી:
સામગ્રી:
સવા ત્રણ કપ ઘઉંનો લોટ
સવા ત્રણ કપ ઘી
સવા ત્રણ કપ છીણેલો ગોળ
રીત:
સૌથી પહેલા એક કડાઈમાં ઘઉંનો લોટ અને ઘી સેકી લો. ધ્યાન રાખો કે, લોટ લાલ ન થઇ જાય. લોટ સેકાઈ જાય એટલે તેમાં છીણેલો ગોળ ઉમેરો અને તેને હલાવો. ત્યારબાદ એક ઘી લગાવેલી પ્લેટમાં આ સુખડી પાથરો. તે સહેજ ઠંડી થઈ જાય એટલે તેના પીસ કરી લો. હવે તેને એક એર ટાઈટ ડબ્બામાં ભરી લો.
જો તમે ઇચ્છો તો 2 ટેબલસ્પૂન સુંઠ પાઉડર ગોળ નાખતી વખતે નાખી શકો છો.