આપણી કરોડરજ્જુ બેસવા માટે બની જ નથી. ચાલીએ કે સુઇએ ત્યારે તેની પર લોડ આવતો નથી, પરંતુ બેસી રહીએ ત્યારે ખુબ લોડ પડે છે આજે નાની ઉંમરમાં જ વ્યક્તિ કોલેસ્ટ્રોલ, બ્લડપ્રેશર અને ડાયાબીટીસ જેવા રોગોથી પીડાવા લાગે છે. આ બધા લાઇફસ્ટાઇલ ડીસીઝનું કારણ ઘણી વાર બેઠાડું જીવન પણ હોય છે.
વધુ પડતું વજન હાડકા અને સ્નાયુઓને નુકશાન પહોંચાડે છે. હવે તો વ્યક્તિને 50થી 55ની ઉંમરમાં જ ઓસ્ટોઆર્થાઇટીસ આવી જાય છે. હાડકા ઘસાવાનું તો 30થી 35 વર્ષે શરુ થઇ જાય છે. આ બધી સમસ્યાઓ પાછળનું કારણ બેઠાડું જીવન જ છે.
બેઠાડુ જીવનની અસર સ્ત્રી અને પુરુષોને એકસરખી જ થાય છે. ઓફિસ કલ્ચર કે ઘરમાં લાંબો સમય ટીવી સામે ગોઠવાઇ રહેવાના લીધે અને લાંબા સમયનું ટ્રાવેલિંગ આ બધી બાબતો આપણને નડી રહી છે. આપણી આદતો આપણા શરીરને નબળુ બનાવે છે. પહેલાના સમયમાં હાડકાં અને સ્નાયુઓનો દુખાવો કે બેકપેઇન મોટી ઉંમરે થતા હતા આજે નાની ઉંમરમાં આ તકલીફો આવવા લાગી છે.
ચેતતા નર સદા સુખી
નિષ્ણાતો કહે છે કે માણસની કરોડરજ્જુ બેસવા માટે બની નથી. આપણે ચાલીએ કે સુઇએ ત્યારે તેની પર લોડ આવતો નથી, પરંતુ બેસી રહીએ છીએ ત્યારે તેની પર લોડ પડે છે. આપણા સ્નાયુઓ નબળા પડતા જાય છે. નબળા પડે અને તરત દુખાવો શરુ થાય છે. આ દુખાવો સતત રહેતો નથી તેથી લોકો તેની અવગણના કરે છે. ધીમે ધીમે હાડકા અને સ્નાયુઓનો ઘસારો થાય છે. જો આ પ્રકારનો દુખાવો અનુભવાય તો ચેતી જવું. લાઇફસ્ટાઇલમાં જરુરી બદલાવ કરવાની સાથે, પોષણયુક્ત ખોરાક અને સુર્યપ્રકાશનું જરુરી એક્સપોઝર જરુરી છે.
આ પણ ધ્યાન રાખો
- રોજ સવારે 20 મિનિટ સુર્યપ્રકાશ લો
- ઘરના નાના મોટા કામ જાતે કરો
- કેલ્શિયમ પુરતા પ્રમાણમાં લેવું.
- ફોન પર વાત કરતા હોય ત્યારે ચાલો
- લિફ્ટના બદલે સીડી ચડવાનો આગ્રહ રાખો.
- યોગ પ્રાણાયમ કરો. દિવસમાં 45 મિનિટ એક્સર્સાઇઝ કરો