તમારા કામનું / કેમ લગાવવામાં આવે છે દુલ્હનના હાથોમાં મહેંદી? ધાર્મિક સાથે છુપાયેલ છે આ વૈજ્ઞાનિક કારણ

• મહેંદી લગાવવા પાછળ વૈજ્ઞાનિક કારણ 
• દરેક ધર્મમાં પવિત્ર મનાય છે મહેંદી 
• દુલ્હનને આ કારણે લગાવવામાં આવે છે મહેંદી 

દેશમાં અત્યારે લગ્નની સીઝન ચાલી રહી છે. કોઈપણ લગ્ન પહેલા દુલ્હા તથા દુલ્હનના હાથોમાં મહેંદી લગાવવામાં આવે છે. હિંદુ ધર્મના લગ્ન હોય કે મુસ્લિમ ધર્મના, બધામાં દુલ્હા તથા દુલ્હન મહેંદી લગાવે છે. લગ્નથી માંડીને અન્ય ધાર્મિક મોકાઓ પર પણ છોકરીઓ મહેંદી લગાવે છે. હિંદુ ધર્મમાં તો મહેંદીને સોળ શણગારનો હિસ્સો માનવામાં આવે છે. શું તમે જાણો છો કે લગ્ન પહેલા દુલ્હા દુલ્હનના હાથોમાં મહેંદી લગાવવા પાછળ વૈજ્ઞાનિક કારણ પણ છે. 

જાણો વૈજ્ઞાનિક કારણ  
અસલમાં, લગ્ન સમયે દુલ્હા તથા દુલ્હનને ડર હોય છે. એટલે જ્યારે હાથ તથા પગમાં મહેંદી લગાવવામાં આવે તો એ ઠંડક આપે છે. જ્યારે હાથ-પગમાં મહેંદી લગાવવામાં આવે છે તો તેનાંથી શરીરનું તાપમાન ઘટે છે. જેથી દુલ્હા દુલ્હાનો ડર ઓછો થાય છે. આ કારણે દુલ્હા-દુલ્હનના હાથ પગ પર મહેંદી લગાવવામાં આવે છે. 

આ ઉપરાંત, મહેંદી પ્રેમની નિશાની પણ માનવામાં આવે છે. માન્યતા છે કે જે દુલ્હા-દુલ્હનની મહેંદીનો રંગ ઘાટો હશે, તેમની વચ્ચે તેટલો જ પ્રેમ વધશે. જેટલા લાંબા સમય સુધી મહેંદીનો રંગ ચઢ્યો રહે છે, કપલ માટે એટલું જ ભાગ્યશાળી માનવામાં આવે છે. મહેંદી દુલ્હનની સુંદરતામાં ચાર ચાંદ પણ લગાવે છે, આ સાથે જ તેને ઘણી પવિત્ર પણ માનવામાં આવે છે. 

દરેક ધર્મમાં મહેંદી છે પવિત્ર 
મહેંદી દરેક ધર્મમાં પવિત્ર માનવામાં આવે છે. ભારતમાં તો તેનો ઉપયોગ થાય જ છે, પાકિસ્તાન તથા બાંગ્લાદેશમાં પણ તેનો બહોળો ઉપયોગ કરવામાં આવે છે. મહેંદીને ન માત્ર હાથોમાં પરંતુ વાળમાં પણ લગાવવામાં આવે છે. આ ઉપરાંત, પ્રાકૃતિક રંગ માટે પણ મહેંદીનો ઉપયોગ થાય છે. મુસ્લિમ ધર્મના લોકો પોતાની દાઢીમાં પણ મહેંદી લગાવે છે. માનવામાં આવે છે કે મોહમ્મદ સાહેબે પોતાની દાઢીમાં મહેંદી લગાવી હતી.