જરૂરી વાત / FDના વ્યાજદરને લઈને RBIએ લીધો મહત્વનો નિર્ણય, જાણો તમારા પર શું થશે અસર 

• RBIએ FDમાં આપી મોટી રાહત
• રેપો રેટમાં પણ કોઈ ફેરફાર નહીં 
• જાણો વ્યાજદર પર શું પડશે અસર?

RBIની નાણાકીય નીતિ સમિતિની (MPC) બેઠકમાં રેપો રેટમાં કોઈ ફેરફાર ન કરવાનો નિર્ણય કર્યો છે. RBI દ્વારા પોલિસી વ્યાજદરમાં ઘટાડો કર્યા બાદ આગામી દિવસોમાં બેંકો પણ FD દર ઘટાડે છે. પરંતુ ડિપોઝિટ રેટમાં આ કપાત રેપો રેટના ગુણોત્તરમાં નથી થતી. બેન્કમાં પૈસા ડિપોઝિટરની રીતે જોઈએ તો વ્યાજ દર ઘટાડાનો મતલબ એ છે કે એકાઉન્ટમાં નવા ડિપોઝિટ પર ઓછુ વ્યાજ મળશે. ઓછુ વ્યાજ મળવાનો મતલબ છે કે જમાકર્તાની ડિપોઝિટ પર રિટર્ન પણ ઓછુ જ મળે છે. વ્યાજદર વધવાનો મતલબ છે કે ડિપોઝિટ પર વ્યાજ રિટર્ન મળે  છે.  

કરી રીતે થશે FD રોકાણકારોને ફાયદો 
RBI દ્વારા આ નિર્ણય બાદ હવે રેપો રેટ અને રિવર્સ રેપો રેટ ક્રમશઃ 4 અને 3.5 ટકા પર યથાવત છે નીતિગત વ્યાજદરોમાં પણ કોઈ ફેરફાર નથી કરવામાં આવ્યો. માટે FD (Fixed Deposit) દ્વારા બચત કરનાર લોકો માટે સારી ખબર છે. બેન્ક આગળ પર એફડી પર વ્યાજદર ઘટાડવાનો નિર્ણય નહીં લે. હાલ એફડી પર બેન્ક 2.9 ટકાથી લઈને 5.4 ટકા સુધીનું વ્યાજ આપી રહી છે. 

રેપો રેટમાં કોઈ ફેરફાર નહીં 
રિઝર્વ બેંકે પોતાની મૌદ્રિક નીતિની સમીક્ષા રજૂ કરી છે. તેમાં રેપોરેટમાં કોઈ ફેરફાર કરાયો નથી. પ્રમુખ વ્યાજ દર પણ એકસમાન રહ્યા છે. રિવર્સ રેપો રેટને પણ 3.35 ટકા યથાવત રખાયો છે. આરબીઆઈ ગર્વનર દાસે કહ્યું કે માર્જિનલ સ્ટેન્ડિંગ ફેસિલિટી રેટ અને બેંક રેટને 4.25 ટકા રખાયો છે. દાસે કહ્યું કે કેન્દ્રીય બેંકની મોનિટરી પોલિસી કમિટીએ આ વખતે પોતાનું વલણ એકોમડેટિવ એટલે કે ઉદાર રાખ્યું છે.  

CPI inflation is projected at 5.7 % during 2021-22 - this consists of 5.9% in Q2, 5.3% in Q3 and 5.8% in Q4 of 2021-22 with risks broadly balanced. CPI inflation for the first quarter of 2022-23 is projected at 5.1%: RBI Governor Shaktikanta Das pic.twitter.com/SXE2HEZDWY

— ANI (@ANI) August 6, 2021

ચાલુ નાણાકીય વર્ષ માટે  GDP અંદાજ 9.5 ટકા જાળવી રખાયો
રિઝર્વ બેંકે આ વખતે સકલ ઘરેલૂ ઉત્પાદનમાં વૃદ્ધિના અનુમાનમાં કોઈ ફેરફાર કર્યો નથી. તેઓએ ચાલુ નાણાકીય વર્ષ માટે  GDP અંદાજ 9.5 ટકા જાળવી રાખ્યો છે.   અલગ અલગ ત્રિમાસિક ગાળા માટે અલગ અલગ અનુમાન રખાયું છે. સપ્ટેમ્બરના તિમાહી માટે 7.9 ટકાથી ઘટાડીને 7.3 ટકા કરાયું છે. તો ડિસેમ્બર માટે 7.2 ટકાથી ઘટાડીને 6.3 ટકા કરાયું છે. જાન્યુઆરીથી માર્ચ માટે 6.6 ટકાથી ઘટાડીને 6.1 ટકાનું અનુમાન છે. 

The projection for real GDP growth is retained at 9.5% for 2021-22: RBI Governor Shaktikanta Das pic.twitter.com/Qs5AL5s6EO

— ANI (@ANI) August 6, 2021

જાણો કેટલું રહેશે સીપીઆઈ ઇફ્લેશન
2021-22ના વર્ષને માટે આરબીઆઈએ સીપીઆઈ ઇફ્લેશનને 5.7 ટકા રાખ્યું છે. આ પહેલા સીપીઆઈ ઇન્ફ્લેશનનું અનુમાન 5.1 ટકા રખાયું હતું. સીપીઆઈ ઇફ્લેશન એટલે કે કન્ઝ્યુમર પ્રાઈસ ઈન્ડેક્સમાં પણ વધારો કરાયો છે. 

ગર્વનરે અર્થવ્યવસ્થાના અન્ય પાસા પર શું કહ્યું
ગર્વનરે કહ્યું કે અર્થવ્યવસ્થા કોરોના મહામારીના અન્ય ઝટકાથી બહાર છે. વેક્સિનેશનમાં ગતિની સાથે આર્થિક ગતિવિધિ વધશે. તેઓએ આશા રાખી કે સરકારની તરફથી શરૂ કરાયેલા આર્થિક પેકેજને લાંબા ચલાવનારા સુધારાની સારી શરૂઆત કરશે. તેઓએ કહ્યું કે ઉપભોગ, રોકાણ અને ડિમાન્ડમાં ફરી વેગ આવ્યો છે.