RBI Monetary Policy / રિઝર્વ બેન્કના ગવર્નરની મોટી જાહેરાત, વ્યાજ દરોમાં કોઈ ફેરફાર નહીં, GDP 7.8% રહેવાનો અંદાજ

1. 2022 ની RBI ની પ્રથમ મોનિટરી પોલિસી કમિટી મિટિંગ 
2. રિઝર્વ બેંકના ગવર્નર શક્તિકાંત દાસે કરી જાહેરાત 
3. સતત 10મી વખત RBIએ દરો યથાવત રાખ્યા

2022 માં ભારતીય રિઝર્વ બેંક (RBI) ની પ્રથમ મોનેટરી પોલિસી કમિટી (MPC) મીટિંગના પરિણામો આવી ગયા છે. બેઠકમાં લેવાયેલા નિર્ણયોની જાહેરાત કરતા રિઝર્વ બેંકના ગવર્નર શક્તિકાંત દાસે કહ્યું કે આ વખતે પણ પોલિસી રેટમાં કોઈ ફેરફાર કરવામાં આવ્યો નથી. એટલે કે સતત 10મી વખત RBIએ દરો યથાવત રાખ્યા છે.

અગાઉ પણ ન્હોતો કર્યો કોઈ ફેરફાર 

નાણાકીય નીતિ સમિતિની બેઠક 8 ફેબ્રુઆરીએ શરૂ થઈ હતી. ગુરુવારે બેઠક દરમિયાન લેવાયેલા નિર્ણયોની જાણકારી આપવામાં આવી હતી. તમને જણાવી દઈએ કે છેલ્લી મીટિંગમાં પણ RBIએ પોલિસી રેટમાં કોઈ ફેરફાર કર્યો ન હતો. 

2022-23 માટે રિયલ જીડીપી ગ્રોથ રેટ 7.8% રહેવાનો અંદાજ  હોવાનું ભારતીય રિઝર્વ બેંકના ગવર્નર શક્તિકાંત દાસ જણાવ્યું હતું. 

2022-23 के लिए रियल जीडीपी ग्रोथ 7.8% रहने का अनुमान है: भारतीय रिज़र्व बैंक के गवर्नर शक्तिकांत दास pic.twitter.com/vk0fIH3iIT

— ANI_HindiNews (@AHindinews) February 10, 2022

રિવર્સ રેપો રેટમાં કોઈ ફેરફાર નહીં
ત્રણ દિવસની બેઠકમાં લેવાયેલા નિર્ણયો વિશે માહિતી આપતાં ભારતીય રિઝર્વ બેંકના ગવર્નર શક્તિકાંત દાસે કહ્યું કે રેપો રેટ કોઈપણ ફેરફાર વિના 4 ટકા પર યથાવત રહેશે. MSF દર અને બેંક દર કોઈપણ ફેરફાર વિના 4.25 ટકા પર રહેશે. આ સાથે, જેમ એવી અપેક્ષા રાખવામાં આવી હતી કે આ વખતે આરબીઆઈ રિવર્સ રેપો રેટમાં ફેરફાર કરીને તેમાં 0.20 બેસિસ પોઈન્ટનો વધારો કરી શકે છે, તેનાથી વિપરીત, રિઝર્વ બેંકે કોઈપણ ફેરફાર કર્યા વિના તેને 3.35 ટકા પર જાળવી રાખ્યો છે.

Reserve Bank of India keeps repo rate unchanged at 4%, maintains accommodative stance; reverse repo rate remains unchanged at 3.35% pic.twitter.com/jjI2a4ZpsN

— ANI (@ANI) February 10, 2022

CPI ફુગાવો 4.5% પર અનુમાન
રિઝર્વ બેંકના ગવર્નરે કહ્યું કે નાણાકીય વર્ષ 2022-23 માટે વાસ્તવિક જીડીપી વૃદ્ધિ 7.8 ટકા રહેવાનો અંદાજ છે. આ સાથે તેમણે કહ્યું કે 2022-23 માટે CPI ફુગાવો 4.5 ટકા રહેવાનો અંદાજ છે. ફુગાવાના અંદાજ વિશે વાત કરતા દાસે કહ્યું કે ફુગાવાનો દર FY 23 ના પહેલા ક્વાર્ટરમાં 4.9 ટકા અને FY 23 ના બીજા ક્વાર્ટરમાં 5 ટકા, ત્રીજા ક્વાર્ટરમાં 4 ટકા અને ચોથા ક્વાર્ટરમાં 4.2 ટકા રહેવાની ધારણા છે. છે. જોકે, ક્રૂડ ઓઈલના ભાવમાં વધારો એ એક મોટું જોખમ છે.

ભારતીય અર્થતંત્ર ઝડપથી આગળ વધશે
RBI ગવર્નર શક્તિકાંત દાસે કહ્યું કે ભારત સૌથી મોટી અર્થવ્યવસ્થા તરીકે સૌથી ઝડપી ગતિએ વિકાસ કરશે. તેમણે કહ્યું કે કોરોના મહામારીના પડછાયામાં ભારત વિશ્વના અન્ય દેશો કરતા અલગ રીતે ભારત પગભર થઈ રહ્યું છે. તેમણે કહ્યું હતું કે IMFના અનુમાન મુજબ ભારત મુખ્ય અર્થવ્યવસ્થાઓમાં વાર્ષિક ધોરણે સૌથી ઝડપી દરે વૃદ્ધિ કરશે.