ઓસ્ટ્રેલિયા ક્રિકેટર એશ્ટન અગર ટીમ ઇન્ડિયાના સ્ટાર ઓલ રાઉન્ડર રવિન્દ્ર જાડેજાનો મોટો ફેન છે. સાઉથ આફ્રિકા સામે શુક્રવારે રમાયેલી T20 માં હેટ્રિક ઝડપનારા અગરે પોતાને રોકસ્ટાર જાડેજાનો મોટો ફેન ગણાવ્યો છે. તેણે કહ્યુ કે, જાડેજા સાથે વાતચીત કર્યા પછી તેની સ્પિન બૉલિંગમાં ઘણો સુધારો થયો છે.
26 વર્ષીય અગેર ખુલાસો કર્યો છે કે, ગત મહિને ઓસ્ટ્રેલિયા વનડે સીરિઝ માટે ભારત પ્રવાસે આવ્યુ હતુ ત્યારે જાડેજા સાથેની વાતચીતથી કેવી રીતે તેની બૉલિંગમાં સુધારો આવ્યો છે. અગરે શુક્વારે વાન્ડરર્સ ખાતે રમાયેલી T20માં સાઉથ આફ્રિકા સામે હેટ્રિક સહિત કુલ 5 વિકેટ ઝડપીને ઓસ્ટ્રેલિયાને 107 રનથી વિજય અપાવ્યો.
અગરે જણાવ્યુ કે, ટીમ ઇન્ડિયા સામે સીરિઝ પછી મારી રવિન્દ્ર જાડેજા સાથે વાતચીત થઇ હતી. સ્પિન બૉલિંગ વિશે અમે વાત કરી હતી અને ત્યારે તેણે મને બૉલને સ્પિન કરવાના પ્રયાસ જારી રાખવાનું કહ્યુ હતુ. મને તેની વાતચીતથી ઘણી પ્રેરણા મળી હતી.
મને જાડેજાની જેમ રમવાનું ગમશે તેમ જણાવતા ઓસ્ટ્રેલિયન ખેલાડીએ જણાવ્યુ કે, તે મારો સૌથી પ્રિય ખેલાડી છે. તે જે રીતે રમી રહ્યો છે. તે જ રીતે હું પણ રમવા ઇચ્છુ છું. તે ખરેખરમાં રોકસ્ટાર છે. તે સારો બેટ્સમેન, સારો ફિલ્ડર અને શાનદાર બૉલર છે. તેને ગ્રાઉન્ડમાં રમતો જોઇને મારો કોન્ફિડન્ટ વધી જાય છે. જ્યારે તે બેટિંગ કરતો હોય છે, તે ઘણો પૉઝિટિવ હોય છે અને આ જ પોઝિટિવનેસથી સાથે બૉલિંગ અને ફિલ્ડિંગ પણ કરે છે.