ICC Rankings / બોલિંગમાં નંબર વન બન્યો અશ્વિન, જાડેજાએ પણ લગાવી છલાંગ; જોકે કોહલીને લાગશે 'કરંટ'

• ICC ટેસ્ટ બોલિંગની રેન્કિંગમાં અપડેટ
• ઑફ સ્પિનર રવિચંદ્રન અશ્વિન પ્રથમ સ્થાને
• જેમ્સ એન્ડરસનને માત આપી અશ્વિન પહોંચ્યાં ટોપ પર

ભારતીય ટીમનાં ઑફ સ્પિનર રવિચંદ્રન અશ્વિને ICC ટેસ્ટ બોલિંગ રેન્કિંગનાં લેટેસ્ટ અપડેટ બાદ પહેલું સ્થાન મેળવી લીધું છે. છેલ્લાં અઠવાડિયે જ્યારે રેન્કિંગનો અપડેટ આવ્યો હતો ત્યારે ઈંગ્લિશ તેજ બોલર જેમ્સ એન્ડરસન પહેલા સ્થાને હતાં. હવે અશ્વિને એન્ડરસનને માત આપી છે અને 864 અંકોની સાથે પ્રથમ સ્થાન જીતી લીધું છે. અશ્વિન લગભગ 8 વર્ષો બાદ ટેસ્ટ રેન્કિંગમાં પ્રથમ સ્થાન મેળવી શક્યાં છે. 

રવિચંદ્રન અશ્વિને ટેસ્ટ મેચમાં કર્યું ઉત્તમ પ્રદર્શન
ઑસ્ટ્રેલિયાની સામે રમવામાં આવતી બોર્ડર-ગાવસ્કર ટ્રોફીની શરૂઆતી ટેસ્ટ મેચોમાં રવિચંદ્રન અશ્વિને કુલ 14 વિકેટ પોતાના નામ કરી હતી. તો આ સમયે બંને ટીમોની વચ્ચે ઈન્દોરનાં મેદાનમાં સીરીઝની ત્રીજી ટેસ્ટ મેચ રમવામાં આવી રહી છે જેમાં ભારતીય ટીમ પોતાની પહેલી ઈન્ગિંસમાં 109 રન બનાવી શકી છે. રવિચંદ્રન અશ્વિને નાગપુર ટેસ્ટ મેચમાં કાંગારૂ ટીમની બીજી ઈનિંગ્સમાં 5 વિકેટ લેવાની સાથે તેમણે 91 રનો બનાવવાની મહત્વની ભૂમિકા ભજવી હતી. તેમનાં આ બોલિંગ સ્પેલનાં કારણે ભારતીય ટીમે ઈનિંગ્સમાં 132 રનોથી જીત મેળવી હતી. 

જાડેજાએ પણ મચાવી ધૂમ
શરૂઆતી 2 ટેસ્ટ મેચોમાં રવિન્દ્ર જાડેજાનું બોલિંગ અને બેટિંગ બંનેમાં ઘણું સારૂં પ્રદર્શન જોવા મળ્યું હતું. તેનો લાભ તેમને ICC ટેસ્ટ ઑલરાઉન્ડર રેન્કિંગમાં મળ્યો જેમાં તે નંબર 1નાં સ્થાન પર આવ્યાં. તો બોલિંગની રેન્કિંગમાં પણ જાડેજાએ એકસાથે 8મું સ્થાન મેળવી લીધું...હાલમાં જાડેજાનાં કુલ 763 રેટિંગ અંક છે. 

ટોપ 3 સ્થાન પર કોણ?
ભારતીય ખેલાડી રવિચંદ્રન અશ્વિને પ્રથમ સ્થાન તો મેળવી લીધું છે ત્યારે જો ટેસ્ટ બોલર્સ રેન્કિંગમાં અન્ય ખેલાડીઓને લઈને વાત કરવામાં આવે તો તેમાં નંબર 2 પર જેમ્સ એન્ડરસન છે. ઑસ્ટ્રેલિયાઈ ટીમનાં કેપ્ટન પેટ કમિંસ જે ઘણાં સમયથી નંબર 1 બોલરનાં સ્થાને સ્થિર રહ્યાં હતાં તે તૃતિય સ્થાન પર પહોંચ્યાં છે.