VIDEO / ગીર-સોમનાથમાં મોટી સંખ્યામાં જવાનો સાથે રેપિડ એક્શન ફોર્સનું ફ્લેગમાર્ચ, સંવેદનશીલ વિસ્તારોમાં ખાસ ઍલર્ટ

• પ્રભાસ પાટણ સોમનાથમાં હનુમાન જયંતિએ થયો હતો હોબાળો
•  કેસરી ધ્વજ ફરકાવવા મામલે થયો હતો હોબાળો
• કેન્દ્રીય રેપિડ એક્શન ફોર્સ દ્વારા કરાઇ ફ્લેગમાર્ચ

રામનવમી બાદ હનુમાન જયંતિના દિવસે પણ કોમી હિંસા જોવા મળી હતી.  વેરાવળમાં  હનુમાન જયંતિએ હોબાળો થયો હતો.  ધાર્મિક સ્થાન પર કેસરી ધ્વજ ફરકાવવાના મામલે હોબાળો થયો હતો.  હોબાળા બાદ પ્રભાસ પાટણ સોમનાથમાં રેપિડ એક્શન ફોર્સ તૈનાત કરવામાં આવી છે.   હનુમાન જયંતિના દિવસે વિવાદિત વીડિયો વાયરલ થયા હતા જે બાદ કેન્દ્રીય રેપિડ એક્શન ફોર્સ દ્વારા ફ્લેગમાર્ચ કરવામાં આવી.

પ્રભાસ પાટણ સોમનાથમાં ફ્લેગમાર્ચ

કેન્દ્રીય રેપિડ એક્શન ફોર્સ દ્વારા  સંવેદનશીલ અને અતિસંવેદનશીલ વિસ્તારમાં જાણકારી લેવા ફ્લેગમાર્ચ કરવામાં આવી. સ્થાનિક પોલીસના સ્ટાફને સાથે રાખીને ફ્લેગમાર્ચ યોજાઇ. પ્રભાસ પાટણ શિવ ચોકીથી મેઇન બજાર સહિતના વિસ્તારમાં ફ્લેગમાર્ચ કરવામાં આવી હતી. 

શું બન્યો હતો બનાવ ? 

મહત્વનું છે કે ગીર સોમનાથના વેરાવળમાં 16 એપ્રિલ હનુમાન જયંતિના અવસરે બે સમુદાય વચ્ચે તણાવ સર્જાયો હતો. ધાર્મિક સ્થળની ટોચ પર ઝંડો ફરકાવતા વિવાદ થયો હતો. જો કે પોલીસે ઘટના સ્થળે પહોંચીને સ્થિતિ પર કાબૂ મેળવ્યો હતો.  આ મામલે  વેરાવળ પોલીસે બે અલગ અલગ ગુના નોંધ્યા હતા. બંન્ને કેસમાં અત્યાર સુધી 30 આરોપીની અટકાયત કરવામાં આવી છે.  વિવાદિત વીડિયો વાયરલ કરનાર શખ્સની પણ અટકાયત કરવામાં આવી હતી.

VIDEO: ગીર-સોમનાથમાં મોટી સંખ્યામાં જવાનો સાથે રેપિડ એક્શન ફોર્સનું ફ્લેગમાર્ચ, સંવેદનશીલ વિસ્તારોમાં ખાસ ઍલર્ટ#Gujarat pic.twitter.com/GkDg08INm7

— VTV Gujarati News and Beyond (@VtvGujarati) April 21, 2022

ખંભાત અને હિંમતનગરમાં રામનવમીના પર્વે ભારે હિંસા થઇ હતી

ઉલ્લેખનીય છે કે, તાજેતરમાં જ રાજ્યમાં ખંભાત અને હિંમતનગરમાં રામનવમીના પર્વે નીકળેલી શોભાયાત્રા પર પથ્થરમારો કરવામાં આવ્યો હતો. જેના સમગ્ર ગુજરાતમાં ઘેરા પ્રત્યાઘાત પડ્યા હતાં. હિંમતનગરના છાપરિયા વિસ્તારમાં કેટલાંક અસામાજિક તત્વોએ વાહનો સળગાવ્યા હતાં તો પોલીસ પર પણ પથ્થરમારો કરાયો હતો. તો બીજી બાજુ ખંભાતમાં પણ વાતાવરણ ગરમાયું હતું.