શરમજનક / સુહાગરાત પહેલા વર્જિનિટી ટેસ્ટમાં ફેલ થઈ દુલ્હન, સાસરિયાવાળાઓએ મારપીટ કરી કાઢી મુકી

• ભીલવાડામાંથી અજીબોગરીબ કિસ્સો સામે આવ્યો
• સુહાગરાત પહેલા વર્જિનિટી ટેસ્ટમાં ફેલ ગઈ દુલ્હન
• દુલ્હન સાથે મારપીટ કરી ઘરમાંથી કાઢી મુકી

રાજસ્થાનના ભીલવાડામાંથી એક અજીબોગરીબ કિસ્સો સામે આવ્યો છે. જ્યાં એક દુલ્હનના સાસરિયાવાળાઓએ એટલા માટે ભગાડી દીધી કે, તે સુહાગરાત પર વર્જિનિટી ટેસ્ટમાં ફેલ થઈ ગઈ હતી. ઘટના સામે આવ્યા બાદ પોલીસે ફરિયાદ નોંધી તપાસ શરૂ કરી હતી. પોલીસે સ્પષ્ટ શબ્દોમાં કહ્યું હતું કે, આ કેસમાં ગંભીરતાથી તપાસ કરવામા આવી રહી છે અને દોષિતો વિરુદ્ધ કડક કાર્યવાહી કરવામાં આવશે.

સાસરિયાવાળાએ ટેસ્ટમાં ફેલ જતાં ભગાડી મુકી

પીડિતાની માતાએ જણાવ્યું હતું કે, 6 મહિના પહેલા દિકરી સાથે પડોશમાં રહેનારા યુવકે દુષ્કર્મ કર્યું હતું. સાથે જ તેમના દિકરાઓને જાનથી મારી નાખવાની ધમકી પણ આપી હતી. તેના ડરથી ચૂપ રહી હતી. બાદમાં અમે દિકરીના 11મેના રોજ લગ્ન કરીને સાસરિયે મોકલી દીધી, પણ સાસરિયાવાળાઓએ લગ્ન સુહાગરાત પહેલા વર્જિનિટી ટેસ્ટ કરવા માટે કુકડી રસમ અપનાવી હતી. તેમાં તે ફેલ થઈ ગઈ હતી. ત્યારે તેણે પોતાની સાથે દુષ્કર્મ થયું હોવાનું વાત પણ કહી હતી. ત્યાર બાદ દુલ્હન વિરુદ્ધ પંચાયત બોલાવીને દંડ આપવાની તૈયારી કરવામાં આવી. જેની જાણ થતાં મહિલા આયોગ એક્શનમાં આવી અને ભીલવાડા પોલીસ પાસેથી રિપોર્ટ માગ્યો છે. 

પીડિતાનું કહેવુ છે કે, તેના માતા-પિતા લગ્નમાં ગયા હતા, આ દરમિયાન જાજરુ માટે ખેતરમાં ગઈ હતી. પાડોશમાં રહેતા યુવકે તેને હવસનો શિકાર બનાવી હતી. કોઈને પણ આ વાત કહેવા પર જાનથી મારી નાખવાની ધમકી પણ આપી હતી. લગ્ન બાદ સુહાગરાતે કુકડી પ્રથામાં ફેલ થઈ જતાં સાસરિયાવાળાઓએ મારપીટ કરીને ભગાડી દીધી હતી. 

પોલીસે તપાસ હાથ ધરી

તો વળી આ મામલે ભીલવાડા પોલીસે કહ્યું કે, આ એક સામાજિક કુપ્રથા છે. જેને એનજીઓ અને સામાજિક સંગઠનના માધ્યમથી પોલીસ ખતમ કરવાનો પ્રયાસ કરી રહી છે. આ સંબંધમાં કોઈ પણ સામાજિક પંચાયતને રોકવાના પણ નિર્દેશ આપ્યા છે. યુવતી દ્વારા પાડોશી વિરુદ્ધ નોંધાયેલા દુષ્કર્મ કેસમાં કાર્યવાહી થઈ રહી છે.