પોલમપોલ / અમદાવાદમાં દીકરીઓ કેટલી સલામત? આ આંકડા તો સબ સલાતના દાવની પોલ ખોલે છે

• દીકરી ની સલામતી પર સવાલ 
• અમદાવાદ બન્યું અસુરક્ષિત 
• 4 દિવસમાં 8 બાળકીઓ સાથે છેડતીના બનાવ 

અમદાવાદ માં દુસકર્મ અને છેડતીના ચોંકાવનારા આંકડાને જોતા હવે દીકરીની સુરક્ષાના દાવા પર સવાલ ઉઠી રહ્યા છે.

દાણીલીમડા, પાલડી, આનંદનગર અને શહેરકોટડા વિસ્તારમાં નાની બાળકીઓ દુસકર્મ અને શારીરિક અડપલાં નો ભોગ બની છે. આ દીકરીઓમાં ભય ફેલાયો છે 4 દિવસમાં 8 બાળકીઓ સાથે છેડતીના બનાવ બન્યા છે. દાણીલીમડા 2, પાલડી 1, આનંદનગર 1, શહેરકોટડા 4માં ઘટનાઓ ઘટી હતી. 

ઓક્ટોબર પણ નથી સલામત

• 10 ઓકટોબર - દાણીલીમડા પો સ્ટે - બે બાળકી હવસનો શિકાર. સાત વર્ષની બાળકી સાથે અડપલા કરી દુશકર્મનો પ્રયાસ અને અન્ય બાળકી સાથે અડપલા કરનાર નરાધમ પકડાયો
• 12 ઓકટોબર - પાલડી પો સ્ટે -  શાંતિવન માં આવેલા સત્વ ફ્લેટમાં સગીરા બની હવસનો શિકાર. 7 વર્ષની બાળકીને 17 વર્ષના સગીરે કર્યા જાહેરમાં અડપલાં. સગીરની અટકાયત
• 13 ઓકટોબર - આનંદ નગર પો સ્ટે - 12 વર્ષની સગીરા પર 22 વર્ષના પાડોશી યુવકે આચર્યું દુષ્કર્મ. આરોપીની પોલીસે કરી ધરપકડ
• 13 ઓકટોબર - શહેરકોટડા પો સ્ટે - 7 વર્ષની બાળકી સાથે અડપલા. અડપલા કરનાર શખસ પોલીસ ગિરફતમાં
• 13 ઓક્ટોબર - શહેરકોટડા દારૂ બાબતે થયેલ બબાલ માં સગીરાના કપડાં ફાડીને શારીરિક અડપલાં કર્યા. આરોપીની ધરપકડ

અમદાવાદમાં આ તો 3 દિવસ માં 5 કેસની વાત થઈ.  પરંતુ અમદાવાદ માં દરરોજ એક દીકરી દુસકર્મ અને છેડતી નો ભોગ બની રહી છે. 

વર્ષ        દુસકર્મ    છેડતી..

2018      71.      208

2019.      88.     193

2020     69.      142

મહત્વનું છે કે 2020માં ફક્ત સપ્ટેમ્બર માસમાં જ 31 દુસકર્મ અને 23 છેડતી ના ગુના નોંધાયા છે.. આ આંકડાઓ જ મહિલા ની સલામતીની પોલ ખોલે છે.. અમદાવાદ ની આ 5 ઘટનાઓમાં આરોપીઓ તો ઝડપાઇ ગયા પરંતુ નિર્દોષ બાળકીઓના મનમાં ડર ફેલાવતા ગયા.

એક સમય હતો કે અમદાવાદ માં દીકરીઓ મોડી રાત સુધી બજાર માં ફરતી હતી.. અને સલામતી અનુભવતી હતી.. પરંતુ અમદાવાદ ના ચોંકાવનારા આંકડાઓ કહે છે કે હવે તો દીકરીઓ પોતાના ઘરમાં પણ સુરક્ષિત નથી.