રાજકોટ જિલ્લા ભાજપ ઉપપ્રમુખના પતિ સામે દુષ્કર્મની ફરિયાદ નોંધાતા ચકચાર મચી જવા પામી છે. હાલ પોલીસે આ મામલે તપાસ શરૂ કરી છે.
રાજકોટ જિલ્લા ભાજપ ઉપપ્રમુખના પતિ સામે દુષ્કર્મની ફરિયાદ
ઉપલેટા પોલીસ સ્ટેશનમાં ફરિયાદ નોંધાતા તપાસ શરૂ
રાજકીય દ્વેષને લઇ ફરિયાદ કરાવવામાં આવી છેઃ હિરેન ગલાણી
ઉપલેટામાં રાજકોટ જિલ્લા ભાજપ ઉપપ્રમુખના પતિ સામે દુષ્કર્મની ફરિયાદ નોંધાઈ છે. જિલ્લા ભાજપ ઉપપ્રમુખ ડિમ્પલ ગલાણીના પતિ સામે ફરિયાદ નોંધાતા સ્થાનિક રાજકારણમાં ગરમાવો આવી ગયો છે. મહત્વનું છે કે, હિરેન ગલાણી રાજકોટ જિલ્લા ભાજપના ઉપપ્રમુખ ડિમ્પલ ગલાણીના પતિ છે, જેમની સામે ઉપલેટા પોલીસ સ્ટેશનમાં દુષ્કર્મની ફરિયાદ નોંધાઈ છે.
દુષ્કર્મની ફરિયાદ નોંધાતા ખળભળાટ
આપને જણાવી દઈએ કે, જિલ્લા ભાજપ ઉપપ્રમુખના પતિ હિરેન ગલાણી નગર પ્રાથમિક શિક્ષણ સમિતના સભ્ય છે. તેમના પર દુષ્કર્મની ફરિયાદ નોંધાતા ખળભળાટ મચી ગયો છે. ઉપલેટા પોલીસે ફરિયાદના આધારે તપાસ શરૂ કરી છે. દુષ્કર્મની ફરિયાદ મામલે હિરેન ગલાણીનું નિવેદન સામે આવ્યું છે.
મને ખોટી રીતે ફસાવવામાં આવ્યો છેઃ હિરેન ગલાણી
રાજકોટ જિલ્લા ભાજપ ઉપપ્રમુખ ડિમ્પલ ગલાણીના પતિ હિરેન ગલાણી ઉપલેટા પોલીસ સ્ટેશનમાં ફરિયાદ નોંધાયા બાદ નિવેદન આપતા કહ્યું કે, 'મને ખોટી રીતે ફસાવવામાં આવ્યો છે. રાજકીય દ્વેષને લઈને આ ફરિયાદ કરાવવામાં આવી છે.' હાલ આ ફરિયાદના આધારે પોલીસે વધુ તપાસ હાથ ધરી છે.