ખંડન / શિક્ષણના ધામમાં હિન્દુ-મુસ્લિમ? જેતપુરની ખાનગી સ્કૂલનો ઓડિયો વાયરલ, વાલીએ શિક્ષક પર આરોપ લગાવી ઠાલવ્યો રોષ

• જેતપુરની ખાનગી સ્કૂલનો ઓડિયો વાયરલ
• ઓડિયોમાં વાલી અને શિક્ષક કરી રહ્યા છે વાતચીત
• વાલીએ મુસ્લિમ શિક્ષકો સામે ઠાલવ્યો રોષ

જેતપુરની એક ખાનગી શાળા ચર્ચાના એરણે ચડી છે. યલ્લો એજ્યુકેશન ખાનગી શાળામાં ધર્મને લઈને વિવાદ છેડાયો છે. જેમાં શાળાનો કથિત ઓડિયો પણ વાયરલ થયો છે. આ દરેક વાલી અને શિક્ષકની વાતચીત સામે આવી જેમાં ગંભીર આરોપ લાગી રહ્યા છે કે મુસ્લિમ શિક્ષક મુસ્લિમ સમાજના પાઠ પર વધુ ભાર આપતાવ હોવાની રાવ ઉઠી છે. જેને લઈને આ મુદ્દો હાલ ટોક ઓફ ધ ટાઉન બન્યો છે.

વાલીએ પોતાના બાળકનું LC કાઢવા ઉચ્ચારી ચીમકી

આ મામલે વાલીએ મુસ્લિમ શિક્ષકો સામે રોષ ઠાલવી પોતાના બાળકનું LC કાઢવા સુધીની પણ  ચીમકી ઉચ્ચારી દીધી હતી.સ્કૂલમાં ધાર્મિક ભેદભાવ રાખીને અભ્યાસ કરવામાં આવતો હોવાનો શિક્ષક પર ધગધગતા આરોપ લાગતા તંત્રમાં હડકંપ મચી જવા પામ્યો છે. જોકે શિક્ષક સામેં ચોંકાવનારા આરોપ લગાવનાર વાલી હાલ ભૂગર્ભમાં ઉતરી ગયો છે. તો શિક્ષક સામેના આરોપને અન્ય વાલીઓએ પાયાવિહોણાં ગણી અહીં કોઈ પણ વિવાદિત કૃત્ય ન થતા હોવાનો દાવો કર્યો હતો. હાલ આ મામલે તંત્ર દોડતું થયુ છે અને આક્ષેપ મામલે તપાસ શરૂ કરાઇ છે.

સ્કૂલના સંચાલકો અને અન્ય વાલીઓએ ઘટનાનું ખંડન કર્યું

ખાનગી સ્કૂલ અંદર રિલિજન્સના ભેદભાવના પાઠ ભણાવતા હોવાની વાતને નકારી કાઢી અન્ય વાલીઓએ કહ્યું કે તમે ગમે ત્યારે સ્કૂલે આવીને તપાસ કરવાની છૂટ છે. પ્રથમ ભગવાન રામના નામની પ્રાર્થના બાદ જ શિક્ષણ કાર્ય શરૂ કરવામાં આવે છે તેવો દાવો કર્યો હતો.