IPLIN
 

કાર્યવાહી / યુવરાજસિંહે પોલીસકર્મી પર ગાડી ચઢાવવાનો પ્રયાસ કર્યો હોવાનો આરોપ, ખુદ રેન્જ IGએ VIDEO જાહેર કર્યો

Team VTV 12:18 PM, 06 Apr 22
Follow us
Range IG releases video of Yuvrajsinh Jadeja accused of trying to drive on police

'પેપર ફોડવાના કિસ્સા સાથે આ કેસને કોઇ લેવા દેવા નથી' વિદ્યાર્થી નેતા યુવરાજસિંહ જાડેજાની ધરપકડ મામલે ગાંધીનગર રેન્જ આઇજી અભયસિંહ ચુડાસમાની પ્રેસ કોન્ફરન્સ

  • પોલીસ પર ગાડી ચઢાવી દેવા મામલે પોલીસની કાર્યવાહી
  • યુવરાજસિંહ સહિત 2ની ધરપકડ
  • યુવરાજે લક્ષ્મણસિંહ નામના કોન્સ્ટેબલ પર ચઢાવી ગાડી
     

વિદ્યાર્થી નેતા યુવરાજસિંહ જાડેજાની ધરપકડ મામલે ગાંધીનગર રેન્જ આઇજી અભય ચુડાસમાએ પત્રકાર પરિષદ યોજી. પોલીસે યુવરાજસિંહ સામે પોલીસ પર હુમલો કરવાનો ગુનો દાખલ કરવામાં આવ્યો છે. આ ઉપરાંત પોલીસની કામગીરીમાં વિક્ષેપ પાડવાનો પણ ગુનો દાખલ કરવામાં આવ્યો છે. પોલીસકર્મીઓ પર ગાડી ચઢાવવાના પ્રયાસનો આક્ષેપ લગાવવામાં આવ્યો છે. 

યુવરાજસિંહે ઉમેદવારોને ઉશ્કેરવાનું કામ કર્યું

ગાંધીનગર રેન્જ આઇજી અભય ચુડાસમાની પત્રકાર પરિષદ સંબોધતા જણાવ્યું કે યુવરાજસિંહ જાડેજાની સત્યતા જાણ્યા વિના ઉમેદવારો કોઇ વાતમાં કુદી ન પડે. તેઓ દ્વારા રાત્રે ઉમેદવારો અને યુવાનોને ઉશ્કેરવાનો પ્રયાસ કર્યો હતો. અમારી પાસે ઉશ્કેરણી કરવાની પણ વીડિયો ક્લીપ છે.  પોલીસ સાથેની માથાકૂટના વીડિયો રેકોર્ડિંગ પણ છે.  કોઇ પણ ઉમેદવારની કારર્કિદી બગડે તેમ પોલીસ ઇચ્છતી નથી. ઉશ્કેરણીથી કોઇ ખોટુ કામ કરશે તે ચલાવી લેવાશે નહી.પોલીસ એક તરફ પેપરલીક કેસ મામલે સખત કાર્યવાહી કરી જ રહી છે. અને હવે આગળની કાર્યવાહી  કોર્ટમાં થશે તેમ જણાવ્યું હતું.

 

કલમ 307 મુજબ ગુનો દાખલ કર્યો

યુવરાજસિંહ સામેના આરોપ અંગે વધુમાં જણાવ્યું કે  યુવરાજસિંહે લક્ષ્મણભાઇ નામના કોન્સ્ટેબલ પર ગાડી ચડાવી જે ગુના હેઠળ કલમ 307 મુજબ ગુનો દાખલ કર્યો છે. આ ઘટનાનો વીડિયો યુવરાજ સિંહની કારમાં લગાવેલા કેમેરામાં જ કેદ થયો. FSLની મદદથી રેકોર્ડિંગ પ્રાપ્ત થયુ હોવાનું પણ જણાવ્યું. મહત્વનું છે કે યુવરાજસિંહ કારમાં કેમેરો લગાવીને રાખે છે.

 

સોશિયલ મીડિયા પર પોલીસની નજર 

આ મામલે પોલીસ દ્વારા પહેલેથી જ ઉમેદવારોને ચેતવી દેવામાં આવ્યા છે કે યુવરાજસિંહની સત્યતા જાણ્યા વિના કોઇ ઉમેદવાર આ વાતમાં કૂદી ન પડે. સોશિયલ મીડિયામાં પોલીસ બાજ નજર રાખી રહી છે. જો કોઇ વાંધાજનક ટિકા ટિપ્પણી જણાશે તો પોલીસ દ્વારા કાર્યવાહી કરવામાં આવશે.  સાથે ગાંધીનગર રેન્જ આઇજીએ એમ પણ જણાવ્યુ કે પોલીસને કોઇ વ્યક્તિગત વિરોધ હોતો નથી.અમારી પાસે પુરતા પુરાવા છે. તેમજ એ વાત પણ સ્પષ્ટ કરી કે પેપર ફોડવાના કિસ્સા સાથે આ કેસને કોઇ લેવા દેવા નથી.

યુવરાજસિંહ પર શું છે આરોપ ?

  • યુવરાજસિંહ વિરુદ્ધ પોલીસ પર હુમલો કરવાનો ગુનો દાખલ
  • પોલીસની કામગીરીમાં વિક્ષેપ પાડવાનો ગુનો દાખલ
  • પોલીસકર્મીઓ પર ગાડી ચઢાવવાના પ્રયાસનો આક્ષેપ
  • પોલીસે IPC 307 મુજબ ગુનો કર્યો દાખલ
     
gandhinagar રેન્જ આઇજી અભયસિંહ ચુડાસમા યુવરાજસિંહ જાડેજા ધરપકડ પોલીસ પર હૂમલો ઉમેદવારો
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ