રાજ્યમાં બેટી બચાઓની વાતો થાય છે પરંતુ હકીકત કંઇક અલગ છે. દેશનું સૌથી સુરક્ષિત રાજ્યમાંનું એક આપણા ગુજરાતમાં હવે મહિલાઓનું સુરક્ષા પર જ સવાલ ઉઠી રહ્યા છે. અમદાવાદના રામોલમાં સામૂહિક દુષ્કર્મની પીડિતાનું સારવાર દરમિયાન મોત નીપજ્યું છે. જેમાં બે આરોપીની ધરપકડ કરવામાં આવી છે અને બે આરોપી હજુ ફરાર છે જોઇએ આ અહેવાલ.
રામોલમાં સામૂહિક દુષ્કર્મનો ભોગ બનેલી યુવતીને કિડની પર અસર થતાં આખરે ગુરૂવારે મોત નિપજ્યું હતું. ગત ૧૮મી માર્ચે પીડિતાએ ચાર યુવકો ફરિયાદ નોંધાવી હતી તેમ છતાં પોલીસ આરોપીઓને છાવરતી રહી હતી.પીડિતા ન્યાય ઝંખી રહી હતી પરંતુ, લાગણીવિહિન પોલીસની માનવતા જ મરી પરવારી હતી.
પોલીસે ૪૦ દિવસ સુધી તપાસના નાટક કર્યા હતા. આખરે પીડિતાએ અંતિમ શ્વાસ લીધા ત્યાર બાદ પોલીસ હરકતમાં આવી હતી અને માત્ર બે આરોપીને પકડીને સંતોષ માન્યો હતો. ગુજરાત યુનિ.માં સ્કૂલ ઓફ સાયન્સમાં હંગામી ધોરણે ક્લેરીકલ જોબ કરતા અંકીત પારેખ અને એમએલટીના વિદ્યાર્થી ચિરાગ વાઘેલાની ધરપકડ કરી છે.
અગાઉ યુવતીએ મૃત બાળકને જન્મ આપ્યા બાદ ચાર યુવક સામે ફરિયાદ નોંધાવી હતી, તે સમયે પોલીસે મૃત બાળકનો ડીએનએ લીધો હતો અને તેને ચાર પૈકી 2 ફરાર આરોપીનાં માતાપિતા સાથે મેચ કરાવ્યો હતો. બીજી તરફ યુવતી સવા મહિનાથી હોસ્પિટલમાં હતી, જ્યાં ગુરુવારે તેનું મોત નીપજ્યું હતું. પ્રસૂતિ બાદ વધુ લોહી વહી જતાં તે સવા મહિનાથી એલજી હોસ્પિટલમાં દાખલ હતી. જોકે ગુરુવારે યુવતીના મોતના 24 કલાકમાં પોલીસે કેસમાં સંડોવાયેલા ચિરાગ વાઘેલા, અનિકેત પારેખની ધરપકડ કરી છે, જ્યારે અન્ય બે આરોપી હાર્દિક શુક્લ અને રાજ હજુ ફરાર છે.
ઘટના અંગે જણવીએ તો. યુવતી શહેરની એક કોલેજમાં પ્રથમ વર્ષમાં અભ્યાસ કરતી હતી અને જેમાં તેને એટીકેટી આવતા તે ફોર્મ ભરવા ગઈ હતી. ત્યારે અનિકેત પારેખ તેને એટીકેટીમાં પાસ કરી દેવાની ખાતરી આપી તેની સાથે મિત્રતા કેળવી હતી અને ત્યાર બાદ તેની સાથે બળાત્કાર ગુજાર્યો હતો.
નોંધનીય છે કે, અનિકેત પહેલા આ યુવતી સાથે બળાત્કાર કર્યો ત્યાર બાદ યુવતી ને મળવા અંકિત ચિરાગને લઈ ગયો. ત્યાં બનેએ બળાત્કાર ગુજર્યો. આમ બીજા હાર્દિક અને રાજા નામના યુવકો આ યુવતીને એટીકેટીમાં પાસ કરાવી દેવાની વાત કરી તેને અલગ-અલગ જગ્યાએ લઈ જઈ ગેંગ રેપ કર્યો હતો. ચોંકાવનારી વાત તો એ છે કે યુવતીને ગર્ભવતી પણ બનાવી દીધી હતી અને મુત બાળક જન્મ થતા ગેગરેપ કેસનો ઘટસ્ફોટ થયો હતો.