- વડોદરા અને સુરતની ની સરકારી કચેરીમાં રિયાલિટી ચેક
- સરકારી કચેરીઓમાં નથી આવ્યા અધિકારી
- સરકારી કર્મચારીઓ સમયને ક્યારે આપશે મહત્વ?
ગુજરાતમાં ફરી એકવાર સરકારી કચેરીમાં બાબુઓની લાલિયાવાડી સામે આવી છે. જોકે આજે સપ્તાહના પ્રથમ દિવસ એટલે કે સોમવારે વડોદરા અને સુરતની સરકારી કચેરીઓમાં VTVએ આજે સવારે રિયાલિટી ચેક કર્યું હતું. VTVના રિયાલિટી ચેકમાં અધિકારીઓની ગેરહાજરી જોવા મળી હતી. આ દરમિયાન વડોદરામાં જાહેર બાંધકામ વિભાગ, સિટી સરવે અને કાર્યપાલક ઈજનેર 10.30 વાગ્યા સુધી ઓફિસ પહોંચ્યા ન હતા. આ તરફ સુરતમાં પણ જિલ્લા કલેક્ટર કચેરીમાં કોઈ અધિકારી સમયસર ન આવ્યા. મહત્વનું છે કે, સવારે 10.30 કલાકે કચેરીમાં અધિકારીઓએ હાજર થવાનું હોય છે.
વડોદરાની સરકારી કચેરીઓમાં VTV NEWSનું રિયાલિટી ચેક
VTV NEWSની ટીમ દ્વારા આજે સવારે વડોદરાની સરકારી કચેરીઓમાં રિયાલિટી ચેક કરવામાં આવ્યું હતું. જેમાં સરકારી ઓફિસમાં સવારે 10:30 વાગ્યા છતાં અધિકારીઓની ઓફિસો ખાલી જોવા મળી હતી. 10.30 વાગ્યે પણ અધિકારીઓ ઓફિસ પહોંચ્યા નહોતા.
VTV NEWSના રિયાલિટી ચેકમાં જાહેર બાંધકામ વિભાગમાં અધિકારીઓ સમયસર ઓફિસ નહોતા પહોંચ્યા. આ સાથે સિટી સરવે અને કાર્યપાલક ઈજનેર પણ ઓફિસ નહોતા આવ્યા. સવારે 10:30 નો ઓફિસ સમય છતાં અધિકારીઓ મોડા આવતા હોવાથી સરકારી ઓફિસોમાં રામ રાજ્ય ચાલી રહ્યું છે.
સુરતની સરકારી કચેરીનું રિયાલિટી ચેક
આ સાથે આજે સવારે સુરત જિલ્લા કલેક્ટર કચેરીમાં પણ VTV NEWSની ટીમ દ્વારા રિયાલિટી ચેક કરવામાં આવ્યું હતું. તો સુરત કલેક્ટર કચેરીમાં પણ કોઈ અધિકારી આવ્યા નહોતા.
મહત્વનું છે કે, સવારે 10.30 કલાકે કચેરીમાં અધિકારીઓએ હાજર થવાનું હોય છે. પણ આજે VTV NEWSના રિયાલિટી ચેકમાં અમૂક કર્મચારીઓ હજુ પણ ઓફિસ ન આવ્યા ખૂલ્યું હતું. આ સાથે મોડા આવવાનું કારણ પૂછતા અધિકારીઓએ અવનવા બહાના આપ્યા હતા.
સળગતા સવાલ
- સુરત અને વડોદરાની સરકારી ઓફિસોમાં અધિકારીઓ સમયસર કેમ નથી આવતા?
- સરકારી ઓફિસોમાં અધિકારીઓ સમયસર કેમ નથી આવતા?
- શું અધિકારીઓને ઓફિસ આવવાના સમયનો ખ્યાલ નથી?
- શું અધિકારીઓ ઘરે બેસીને કામ કરે છે?
- ગેરહાજર અધિકારીઓ વિરુદ્ધ કાર્યવાહી થશે?
- સરકારી અધિકારીઓ કામ પ્રત્યે ચોરી કેમ કરે છે?
- અધિકારીઓ જ નહીં હોય, તો લોકો પોતાનું કામ કેવી રીતે કરાવશે?
- શું અધિકારીઓને ઘરે બેસવાનો પગાર મળે છે?
